Daar is 'n hewige debat op Facebook oor 'n kapings-video wat onlangs op sosiale media gedeel is. Dit speel glo af in Suid-Afrika. In die video spring drie gewapende mans voor 'n motor in, glo met die doel om dit te kaap. Die bestuurder van die motor hou doodeenvoudig aan ry en tref een van die mans. Dit is nie bekend of hy oorlede is of nie. Die kommentaar op die video weerspieel die denke van baie Suid-Afrikaners, dat die bestuurder van moord aangekla sal word omdat misdadigers meer regte as gewone burgers het. Justin Kennerley het by 'n strafregprokureur in Kaapstad, Andre Kirsten gaan uitvind of dit wel die geval is...