Monitor het vanoggend berig dat die parlement ingestem het om beskerming te bied aan die LP, dr. Makhosi Khoza. Sy word reeds sedert April met onder meer die dood gedreig. Die dreigemente kom in verskeie vorme, en daar is ook sprake van intimidasietegnieke. Izak du Plessis het aan die oud-veiligheidspolisieman, Paul Erasmus, gevra hoe sulke tegnieke ingespan word om iemand te probeer stilmaak. Hy sê hierdie soort intimidasie het 'n lang geskiedenis, wat in die apartheidsera ontstaan het.