Hou jy van meerkatte of soos hulle ook in die volksmond bekend staan, graatjies? Wil jy graag een aanhou of beplan jy om een aan te skaf as 'n troeteldier vir 'n familielid? Dan moet jy nou jou ore spits... Dit is onwettig om enige inheemse dier in Suid-Afrika aan te hou sonder 'n permit. Dit sluit 'n meerkat in. Alma Celest Stafford van die Solid-Earth Meerkat redding en rehabilitasie sentrum net buite Postmasburg in die Noord Kaap sê, die nuwe gier onder mense is om graatjies as troeteldiere aan te hou.