Die Amerikaanse FDA gee toestemming vir AstraZeneca se teenliggaammiddel teen Covid-19. 'n Groot groep pa's hou 'n optog in Pretoria om te eis dat die Kinderwet gewysig word. Die Ahmed Kathrada-stigting begin 'n internasionale veldtog oor die Guptas. 'n Navorser voorspel dat die volgende vlaag van Covid-19 Gauteng teen 16 Desember sal bereik. Amnestie Internasionaal beweer dat Twitter nie genoeg doen om vrouegebruikers se veiligheid te verseker nie.

SANEF vra vir 'n deursigtigheid tydens die tugproses van die SAUK se nuushoof. Sakevertroue het in November met 2,1 indekspunte gedaal tot 92,8%. Ons praat met 'n ontleder oor President Cyril Ramaphosa se besoek aan vier lande in Wes-Afrika. Die WGO sê daar is geen bewys dat die omikronvariant van Covid-19 bestand is teen entstowwe nie. Die Suid-Afrikaanse Poskantoor maan teen die stuur van sekere pakkies per lugpos.

Die 18de Wysigingswetsontwerp van Artikel 25 van die Grondwet vir grondonteiening sonder vergoeding, word vandag ter tafel gelê. Kenners meen die kans dat dit 'n tweederde-meerderheidstem in die parlement sal kry, is klein. Momentum en Unisa se Finansiële Welstandindeks wys dat vroue weens gebrekkige finansies, vasgevang is in ongunstige maatskaplike toestande. Boere in die Leeuwgamka-omgewing in die Karoo kan nie genoeg dankie sê vir die afgelope ses weke se reën nie, ná 'n droogte van agt jaar. Ons bring jou op hoogte van die nadraai van swaar reën in die Suid-Kaap. Die Minister van Openbare Ondernemings, Pravin Gordhan, word beskuldig dat hy voete sleep om die nuwe reëls van die Prasa Subfonds af te teken.

Die NVG-hoof ontken dat daar probleme by die vervolgingsgesag is nadat die hoof van die onafhanklike ondersoekdirektoraat bedank. Vyf-en-sestig mense word steeds vermis nadat hulle vir R17,000 elk verkoop is. 'n Ethiopiese burger is intussen in Gauteng hegtenis geneem vir mensehandel. Suid-Afrikaners bly vasskop teen Shell se planne om seismiese opnames aan die Oos-Kaap se Wildekus te doen. Die ongeluk wat vier lewens eis in die aanloop tot Netbal Suid-Afrika se nasionale kampioenskap, laat diep wonde op oorlewendes. Ons hoor hoe lank dit nog gaan reën oor groot dele van die land.

Ons kry die jongste nuus oor die blokkades op die N3-snelweg. Ons praat met die burgemeester van die Modimolle-Mookgophong munisipaliteit oor haar toekomsplanne. SA Brouerye maan mense om nie te drink en bestuur nie. Dertig witrenosters vind 'n nuwe tuiste in Rwanda. 'n Olimpiese atleet verruil haar spies vir 'n krieketkolf.

Kenners meen die vierde vlaag Covid swiep reeds deur Gauteng - ons vind uit of die syfers dit staaf. Mense verloor al hulle werk omdat hulle nie wil inent nie. Nuwe navorsing wys huishoudings kan hulle skuld beter diens as in die verlede. Pas op wat jy kwytraak op sosiale media. Koekies vir koeëls - ons vra waarom die Weermag 'n rits bakkerye oopmaak.

Die werkloosheidsprobleem spook ook by die landbousektor. Aspen hoop dat sy entstof-vervaardigingsooreenkoms met Johnson & Johnson die vasteland ‘n reuse hupstoot sal gee. Vrystaat Landbou maan boere om paraat te wees tydens die feesseisoen. Tagtig persent van onderwyspersoneel is tot dusver ingeënt. Die matriekeksamens is so te sê verby - ons vind hoe dit verloop het.

Gemengde reaksie stroom steeds in oor moontlike verpligte Covid-19-inentings. 'n Arbeidsreg-kenner sê jy kán afgedank word as jy weier om die inenting te kry. Daar is slegs een polisiehelikopter in Gauteng wat diensbaar en operasioneel is. Brandstofpryse skiet om middernag die hoogte in. Twee mense is vasgetrek na 'n gewelddadige plaasaanval in Bothaville in die Vrystaat.

'n Bruin sprinkaanplaag tref die Noord-Kaap. Nog universiteite keur verpligte Covid-19-inentings vir studente en personeel goed. Die plaaslike toerismebedryf verloor talle besprekings nadat verskeie lande reisbeperkings op Suid-Afrikaners ingestel het.

Die regering sal spoedig moet besluit of hy strenger inperkingsmaatreëls gaan instel voor die feestyd. Ons kry reaksie op voorgestelde wysigingswetsontwerp oor vuurwapens wat teruggetrek is. Shell stel sy kant oor die seismiese toetse wat aan die Wildekus van KwaZulu-Natal gedoen word. ‘n Kenner meen die Openbare Beskermer se ondersoek na onafhanklike kragprodusente is sinneloos. Ons vind meer uit oor die nuwe Covid-variant se genetiese samestelling.