Spektrum

Die Amerikaanse Huis van Verteenwoordigers stem om die Wet op Groei en Geleenthede in Afrika met drie jaar te verleng, maar wat beteken dit vir Suid-Afrika? Die minister van landbou, John Steenhuisen, kondig ‘n strategie aan om bek-en-klouseer hok te slaan. Die Knysna-munisipaliteit rig 'n dringende beroep op inwoners om hulle waterverbruik drasties te verminder.

Die matriekklas van 2025 behaal die hoogste slaagsyfer ooit, maar nie almal aanvaar dit nie. Ons vra hoe die gebrek aan vergaderings tussen leiers van die RNE beleidsrigting in Suid-Afrika beïnvloed. Iran onttrek aan die BRICS Vloot-oefening in Suid-Afrika in 'n poging om verdere spanning met Amerika te verhoed.

Die matrieks van 2025 tel die ure af voor die slaagsyfer amptelik bekendgemaak word. Owerhede in Knysna spook om alternatiewe waterbronne te beveilig in aanloop tot 'n dreigende Dag Zero. Dele van die Nasionale Krugerwildtuin is gesluit weens swaar reënneerslae. Verskeie brande in die Oos- en Wes-Kaap woed voort.

Lede van KwaZuluNatal se eenheidsregering reageer op die NFP se onttrekking. Buitengewoon swaar reën word vir die volgende week vir die noordooste van die land voorspel. Reaksie op die VSA se onttrekking aan 66 multilaterale organisasies.

Die ANC vier 114de bestaansjaar. Die jongste oor die vernietigende brande in Mosselbaai. Verskeie organisasies betoog buite die Amerikaanse ambassade in Pretoria teen die VSA se optrede in Venezuela.

Reaksie op die aanstelling van advokaat Andy Mothibi as die nuwe Nasionale Direkteur van Openbare Vervolgings. Brande in dele van die Mosselbaai-munisipaliteit in die Wes-Kaap woed voort. Meer oor die nuwe plan vir vrede in Oekraïne.

Die verdagte in die moord op DJ Warras verskyn in die hof. Geslagsgeweld is tot 'n nasionale ramp verklaar, maar sommige organisasies sê dit maak nie 'n verskil op grondvlak nie. 'n Vrou van KwaZulu-Natal druk haar stempel af in die heuningbedryf.

Amerika se aanval op Venezuela sorg vir 'n vars golf geopolitieke onsekerheid, en nou is Groenland glo ook in die VSA se visier. Die ANC beskuldig die SA Kommunisteparty daarvan dat hy dobbel met dié party se toekoms. Mense in die Wes-Kaap word gewaarsku om nie skulpvis, wat op die strand uitgespoel het, te eet nie.

Die VSA bekragtig 'n konserwatiewe aktivis se benoeming as ambassadeur na Suid-Afrika. Parool vir die Griekwastad-moordenaar, al ontken hy steeds skuld. 'n Geheimsinnige komeet beweeg naby die aarde verby.

Die Suid-Afrikaanse Weerdiens voorspel 'n nat Kersfees en Nuwejaar, met 'n waarskuwing van 'n La Niña-weerverskynsel. Die meerderheid van Suid-Afrika se water is nie geskik om te drink nie. Die drama oor onwettige mynboubedrywighede in Bapong in Noordwes, verdiep.