Clive Derby-Lewis kry mediese parool

Kenner waarsku beurtkrag is net die begin

George se waaier

'MRK kan meer doen' - Danny Titus

Kadalie kritiseer regering oor plaasaanvalle, xenofobie

Die feit dat oud-soldate deur regerings genooi word om sekuriteitskwessies, of selfs krisisse rondom terroristegroepe op te los, is niks nuut nie en is 'n allerdaagse praktyk. 'n Dagblad berig dat eenhonderd Suid-Afrikaners deel sal vorm van 'n multinasionale span private militêre kundiges wat na Nigerië op pad is om opleiding aan die Nigeriese weermag te verleen met die oog om die terroristegroep, Boko Haram, te vernietig. Die militêre kenner en skrywer vir Defence Web Africa, Darren Olivier, sê dit maak sin om private kontrakteurs van Suid-Afrika te gebruik, omdat hulle so goed is in wat hulle doen. Olivier sê as die Nigeriese regering hulle nooi, is dit ook nie onwettig nie en tree hulle nie op as huursoldate nie.

Die jongste voorvalle van vreemdelingehaat wat op verskillende plekke kop uitsteek, word aangevuur deur 'n mengsel van onbegrip, rassisme en misdadige elemente. So sê 'n woordvoerder vir die konsortium vir uitgewekenes en migrante, Tefoeloefêloe Fintoemoelê. Fintoemoelê sê dit was ook onderliggend aan die vorige vlaag voorvalle in 2008.

Geen Suid-Afrikaanse duif was onder die tien voorste duiwe in die Miljoendollar-duiwewedvlug wat Saterdag plaasgevind het nie. Tweeduisendvierhonderd duiwe is Saterdagoggend vroeg naby Hopetown losgelaat om vir hulle eienaars 'n deel van die miljoendollar los te vlieg tot in Linbropark in Johannesburg. Die eienaars het hulle duiwe se tuiskoms op 'n groot skerm by die Hyatt Hotel in Sandton dopgehou, sê Martin Beneke van die Beneke Konsortium.

Suid-Afrikaners help teen Boko Haram

Miljoendollar-duiwewedvlug