Spektrum

120 Aanbevelings van die Zondo-kommissie oor staatskaping het glo reeds aandag geniet. Die inflasiekoers bly onveranderd op 2,8%, maar kospryse styg verder. Die Protea-krieketspan keer terug ná hulle segetog op Lords in Londen.

Die EFF sê hulle sal help met die identifisering van die slagoffers van 'n busramp naby Vryheid in KwaZulu-Natal. Die laaste Suid-Afrikaanse soldate uit die Kongo kom vanmiddag in die land aan. 'n Dinosourus-museum maak sy deure oop in die Golden Gate-natuurreservaat.

Die regering vier Jeugdag in Noordwes onder die tema, Bemagtiging van die Jeug vir Betekenisvolle Ekonomiese Deelname. 'n Derde groep soldate wat in die DRK ontplooi was, keer vandag terug na Suid-Afrika. Israel se weermag sê hy het sedert Vrydag meer as 120 missiellanseerders in Iran vernietig.

President Cyril Ramaphosa en ander regeringslui besoek die Oos-Kaap waar oorstromings talle lewens geëis het. Verbruikers moet hulle staal vir hoër rooivleispryse te midde van pogings om die uitbreking van bek-en-klouseer te bekamp. Tien van die elf beskuldigdes in die SASSA-bedrogsaak van miljoene rand is borgtog toegestaan.

Beskuldigdes wat na bewering R260-miljoen by SASSA gesteel het, verskyn in die hof. Ontvoerings in Gauteng neem toe. Hoe bang moet ons wees vir die nuwe Covid-uitbreking oorsee?

Nog liggame word uit die water gehaal waar 'n minibustaxi met skoolkinders gister deur vloedwater in die Oos-Kaap meegesleur is. Die aankondiging van 'n nasionale dialoog ontlok reeds kritiek. 'n Nuwe reënpaddaspesie word in KwaZulu-Natal ontdek.

Bek-en-klou-entstof word nou uit Botswana ingevoer. Die regter in die Senzo Meyiwa-moordsaak bied verskoning aan vir sy uitlatings. Koue weer ontwrig verkeer in KwaZulu-Natal en die Oos-Kaap.

Wye reaksie op die sogenaamde "Bomeenheid" van die Johannesburgse burgemeester, wat glo dienslewering moet verbeter. 'n Dik laag sneeu op die Lootsbergpas tussen Graaff-Reinet en Middelburg in die Oos-Kaap lei tot die sluiting van die N9. Inwoners van Boksburg kla oor suur mynwater wat in die woonbuurt se waterbronne beland.

Negehonderd werknemers van die 70-jaar oue Goodyear-maatskappy se werk is in die gedrang. Die Weerdiens waarsku oor die impak van 'n kouefront wat groot dele van die land die naweek tref. Kaapstad bring hulde aan die kulturele aktivis en jazzpionier, Rashid Lombard.