Die Zondo Kommissie sê Cyril Ramaphosa moes homself sterker uitgespreek het teen staatskaping, maar hy wou nie die ANC se openbare beeld beskadig nie. Die Weerdiens sê temperature gaan nog verder daal oor groot dele van die land. Die Europese Unie besluit vandag of Oekraïne 'n kandidaat vir lidmaatskap kan word.

Inflasie styg tot die hoogste vlak in vyf jaar. Die ANC in die Vrystaat sê hy is nie gereed om 'n provinsiale verkiesingskonferensie te hou nie. SAFA hou 'n spreekwoordelike geelwortel voor Banyana Banyana se neus. ‘n Aankondiging oor die opheffing van Covid-19-regulasies word binnekort verwag. Dokters vra vir die beskerming van fluitjieblasers in die gesondheidsektor. Die Churchhilldam in die Oos-Kaap het net ses dae se water oor.

Die Zondo-kommissie se veelbesproke laaste verslag word eers môre oorhandig. Hoekom vat dit so lank? Verlede week se veelbesproke vragmotorstaking werp vrugte. Inwoners van Soweto dreig om die gebied tot stilstand te bring. Inwoners van Durban kan hulle voorberei op minstens 'n jaar van wateronderbrekings ná die onlangse oorstromings in Kwazulu-Natal. Ons hou jou op hoogte van die Verenigde Nasies se verdragskonferensie oor die verbod op kernwapens. Die eerste dowe dierkundige kry 'n doktorsgraad oor groot roofdiere aan die Universiteit van KwaZulu-Natal.

Die ANC in Noordwes se provinsiale konferensie is uitgestel, en verskeie takke eis dat lede van die dispuutresolusie-komitee verwyder moet word. Die Franse president verloor sy volstrekte meerderheid in die parlement, maar wat beteken dit vir ons? Die Regterpresident van die Appèlhof, Mandisa Maya, voer haar onderhoud om die volgende adjunkhoofregter van die land te word. Ons bring jou die jongste vanuit Wene, waar 'n kernwapenkonferensie gehou word. Die Olimpiese medaljewenner in branderplankry, Bianca Buitendag, is die nuutste ambassadeur vir Laureus Sport For Good South Africa.

Die DA verwelkom die besluit van die Minister van Kuns en Kultuur, Nathi Mthethwa, om nié Afrikaans uit die naam van die Afrikaanse Taalmonument te haal nie. Die N3-snelweg is vandag stil na gister se vragmotorbetoging op Van Reenenspas in KwaZulu-Natal. Die Menseregtekommissie besoek haweloses in Mogale City aan die Wes-Rand, wat glo deur amptenare van die stadsraad mishandel is.

Die waterkrisis in die Nelson Mandela Baai Metro vererger. Die DA-parlementslid Annette Steyn gaan uit die politiek tree. 'n Ondersteuningsgroep in Kimberley help jong mans om stres en geestesgesondheidsprobleme beter te hanteer.

Ons kry reaksie op die Appèlhof se uitspraak oor die Covid-tabakverbod. Haweloses in Mogale City se besittings word weer gekonfiskeer. Die debat oor die skrapping van die brandstofheffing woed voort. 'n Algehele toename in misdadige bedrywighede in Gauteng.

Die Parlement gaan nie die bewerings van misdadige optrede deur die president ondersoek nie. Die Sentrum vir Ontwikkeling en Onderneming sê die regering sal nie veel langer die Basiese Inkomstetoelaag kan bekostig nie. Navorsing wys dat Kaapstad die meeste geboortes in 2019 aangeteken het, maar is dit noodwendig 'n goeie ding?

President Cyril Ramaphosa sê die regering sal nie meer vir die beveiliging van ministers se privaatwonings betaal nie. Daar is nog net 'n paar dae oor om kommentaar te lewer op die voorgestelde wysiging aan die Skolewet. Die isiMangaliso Vleilandpark in Kwazulu-Natal beklemtoon die belangrikheid van die begeleide oes van inheemse gras, nadat 'n seeikoei 'n vrou doodgemaak het.

Die openbare beskermer, Busisiwe Mkhwebane, verloor 'n dringende interdikaansoek teen haar skorsing. President Cyril Ramaphosa sou vanoggend op gister se debat oor sy begrotingsrede reageer, maar dit is uitgestel nadat die EFF verrigtinge in die parlement ontwrig het. Ons volg 'n oudsoldaat se tog deur Namibië om die demone van post-traumatiese stres te beveg.