RSG plaas die kollig op die werk wat welsynsorganisasies en sorgsentrums doen en hulle behoeftes. (CANSA)

Hy het met die minimum in Mitchells Plain grootgeword. Ongeag finansiële uitdagings het sy pa dit steeds belangrik geag om hom as ‘n klein seuntjie na toneelopvoerings en musiekvertonings te neem. Dit wat Emo Adams destyds op die verhoog gesien het, het nie net aan hom ontvlugting van sy eie uitdagende omstandighede gebied nie, dit was ook vir hom ‘n duidelike rigtingaanwyser van waarheen hy eendag sou gaan... na van die grootste verhoë in die wêreld. Vandag maak hy mense ryk deur vir hulle kontantnote te gee in ruil vir musieknote op die TV-program, Noot vir Noot. Kom luister hoe Emo Adams oor geld dink.

RSG plaas die kollig op die werk wat welsynsorganisasies en sorgsentrums doen en hulle behoeftes. (Dare to Read)

Zander Tyler is 'n entrepreneur in murg en been. Sy deursettingsvermoë spreek boekdele. Sy Jack Parow-handelsnaam is ‘n uitgebreide besigheid, en ‘n goed geoliede masjien. Moenie dat Jack Parow se voorkoms jou flous nie, want Zander weet presies wat hy doen. Kom vind uit of daar ‘n verwydering tussen die personas van Jack Parow en Zander Tyler is.

RSG plaas die kollig op die werk wat welsynsorganisasies en sorgsentrums doen en hulle behoeftes. (Mosselbaai Sorgsentrum)

Oudpresident Nelson Mandela het liefde en ondersteuning aan kinders regoor die wêreld gegee. Carla Mackenzie gesels met dr. Nellie Balfour, die eerste en jongste private pediater by die Nelson Mandela Kinderhospitaal in Parktown, Johannesburg. Sy het daardie vaandel met albei hande gegryp, en maak ‘n groot verskil by dié hospitaal.

Jare gelede het ‘n groot boom in sy swembad geval. Die boom het drie jaar lank in die swembad gelê. Net soos sy nuwe enkelsnit, Japie Greyling, die verhaal van swaarkry en dan weer opstaan uit ‘n diep gat vertel, inspireer Pieter Smith mens om nie in sak en as te gaan sit wanneer die lewe uitdagend raak nie. Sy treffersnit, Stukkie van der Merwe, het ook ‘n groot rol daarin gespeel. Tydens die inperking het hy besef hy moet na ander maniere soek om geld te verdien. Henco Kruger en Pieter kuier in sy binnenshuise braaikamer met kroeg, waar Pieter heelwat aanlynkonserte tydens die inperking gehou het.

RSG plaas die kollig op die werk wat welsynsorganisasies en sorgsentrums doen en hulle behoeftes. (Tolbos)

Joe Strydom is ‘n man wat sy storie ken as dit kom by die restourasie van meubels en ander oudhede in ‘n eg Franse styl. Terrance April het met hom in sy winkel in Albertville, Johannesburg, gesels.

Dit het vir hom oornag beroemdheid verwerf, maar 16 jaar later is sy naam dalk nie meer so sinoniem met die sangkompetisie, Idols, nie want vandag is hy ‘n gevestigde sanger, aanbieder en fotograaf. Hy geniet ook groot sukses met sy eie grimeerreeks en werkswinkels waar hy grimering-en haarwenke aanbied. Henco Kruger sê hy is nie ‘n geskikte kandidaat vir die grimering of die hare nie, maar Willem Botha verskil ten sterkste. Hy sê hy kan wondere verrig met min tot geen hare! In hierdie episode deel Willem Botha sy geldwenke.