Spitstyd

RSG plaas die kollig op die werk wat welsynsorganisasies en sorgsentrums doen en hulle behoeftes. (Bramley Kinderhuis, Groenkloof, Pretoria)

Sy is intelligent, ‘n begaafde sangeres, ‘n televisie-aanbieder, en het ook al bewys dat sy ʼn talentvolle akteur is. Leah weet wat sy wil hê, en daarmee saam kom die insig en die besef dat dit die moeite werd is om te wag vir goeie dinge. Sy glo dat tydsberekening alles is en dat alles op die regte tyd gebeur. Selfs ná haar hoofrol in die film, As Jy Sing, het haar loopbaan nie posgevat nie totdat die treffer, Met Jou Klere Aan, die aandag van die hordes getrek het. Vandag kan die publiek en aanhangers hulle geen oomblik indink toe die sangeres nie deel van ons lewe was nie. Hoor hoe Leah, wat ‘n graad in regte agter haar naam het, te werk gaan met geld, en hoe mens finansiële voordeel trek uit TikTok-video’s, oorsese TV-advertensies en stemwerk.

Die Hoërskool Burgersdorp vier vanjaar sy 100ste bestaansjaar. As deel van die feesvieringe is 'n rugbydag teen 'n groter, sterker skool, die Hoër Landbouskool Marlow, gereël. BHS se skoolhoof, Moolman Olivier, wat op sy dag as losskakel uitgedraf het vir Namibië, gesels oor dié geskiedkundige geleentheid.

RSG plaas die kollig op die werk wat welsynsorganisasies en sorgsentrums doen en hulle behoeftes. (Lifeline Nelspruit)

Christel van den Bergh wat jare lank op die kassie te sien was in die immergewilde sepie, Gertroud Met Rugby, het kykers enduit geboei tot haar laaste toneel wat onlangs uitgesaai is. Sy het die rol van Renate Greeff, die eksvrou van die Stryders-speler Simon Greeff, vertolk. Christel en die akteur wat die rol van Simon Greeff vertolk, David Louw, is verloof. Alhoewel Gertroud Met Rugby tot ‘n einde kom, sien die akteurspaartjie uit na nuwe dinge en is hulle fokus op die toekoms. Kom leer by Christel oor vindingrykheid en hoe om altyd planne te maak.

‘n Mens is nooit te jonk om te begin nie. Bernice West is bewys daarvan dat ‘n mens op ‘n jong ouderdom ‘n uiters suksesvolle sangloopbaan kan hê, én van jongs af kan leer hoe om met geld te werk. Sy staan aan die begin van haar loopbaan, en Henco Kruger was aangenaam verras om te hoor hoe onafhanklik hierdie nuwe sangsensasie en liefling van die Afrikaanse musiekbedryf is – en dit alles op die ouderdom van 21!

RSG plaas die kollig op die werk wat welsynsorganisasies en sorgsentrums doen en hulle behoeftes. (Atterbury Trust)

Elke eerste Vrydag van die maand is daar 'n legende in die Spitstyd-ateljee. Vandag is dit die sangeres, Rina Hugo, en haar man, die musiikant Johan van Rensburg.

In die laat jare sewentig is daar liedjie-aande gehou tussen bekende vriende by ‘n huis in Pretoria. Die bekende vriende was Koos Doep, Coenie de Villiers, Anneli van Rooyen, Lucas Maree, Anton Goosen, Sonja Herholdt en Laurika Rauch. By daardie huis het die Musiek-en-Liriekbeweging begin. Dit was Jannie du Toit se huis. Dié gevierde sanger, liedjieskrywer en pionier van die Musiek-en-Liriekbeweging is ook die vader van Kleinkuns in Afrikaanse musiek, wat ook gou onder die invloed van die Europese Kleinkuns gekom het, veral van Jacques Brel. Jannie versorg in 2019 ‘n reeks praatjies vir RSG, Edelwyn, oor sy liefde vir hierdie genre. Sy eerste openbare sangvertoning vind ook sy oorsprong by RSG toe Jannie in 1971 by Fanus Rautenbach se tienjaar-feesvieringe van die gewilde oggendprogram, Flink uit die vere, opgetree het. Hierdie aflewering van Kuns met Kontant gee vir ons ’n blik op Jannie du Toit se legendariese loopbaan van 50 jaar in die Afrikaanse musiekbedryf. Jannie was nooit iemand wat kommersiële sukses nagejaag het nie. Hy vertel vir Henco Kruger hoe sy passie vir taal en musiek hom finansieël gedra het die afgelope 50 jaar. Hy laat ‘n wonderlike skatkis agter en lewer ‘n onskatbare bydrae tot die Afrikaanse musiekbedryf, wat baie mense geneig is om te onderskat.

RSG plaas die kollig op die werk wat welsynsorganisasies en sorgsentrums doen en hulle behoeftes. (Louis57 Stigting)