Sportmal podcast met Kobus Pretorius

Kobus Pretorius is teleurgesteld. Jacques Joubert is tevrede. Hoekom? Want Manchester United speel volgende seisoen in die Europa League, maar voordat dit gebeur is daar 'n hele paar vrot appels waarvan Olé Gunnar Solskjaer eers ontslae gaan moet raak.

Chelsea, aan die ander kant, is terug in die Champions League, maar vir hom wag daar 'n ewe onsekere afseisoen.

Sug. Dis moeilik om tans 'n Man United ondersteuner te wees. Maar, dis steeds beter as om vir Chelsea of Arsenal te skree.

Kobus Pretorius en Jacques Joubert gesels oor dáái Salah weerligdoel teen Chelsea, wie dalk binnekort 'n nuwe eienaar kan hê.

Manchester United skraap deur teen West Ham en Watford stel almal teleur deur 'n sege vir Arsenal op 'n skinkbord te gee.

Daar word ook voorspellings gemaak vir die naweek se Premierliga-wedstryde.

Kobus Pretorius en Jacques Joubert debateer oor Eden Hazard se onsekere toekoms by Chelsea ná sy uitstekende vertoning teen West Ham.

Daar word ook gekyk na die top vier resies tussen Spurs, Chelsea, Arsenal en Manchester United asook die voortgesette armdruk tussen Liverpool en Manchester City vir die titel.

Die seisoen is in die pylvak!

Daar word geëindig met voorspellings vir die week se Champions League wedstryde en die naweek se Premier League bepalings.

Kobus Pretorius, Andre Huisamen en Jacques Joubert kyk na die naweek se Superrugby uitslae en wonder hoekom Akker van der Merwe ligter gestraf word as Schalk Brits vir albei se aandeel in die hoogtepunt van die Bulls se sege oor die Sharks.

Dan volg die Engelse Premierliga, waar Liverpool aanhou om sy golf van geluk te ry en sodoende die druk op Manchester City te hou.

Ole Gunnar Solskjaer vier sy eerste wedstryd as Manchester United se nuwe voltydse afrigter met a 2-1 sege oor Watford en Chelsea dryf Neil Warnock tot raserny.

Daar was verskillende redes waarom Kobus Pretorius, Jacques Joubert en Andre Huisamen hulself verlekker het in die naweek se Engelse Premierliga en FA Cup uitslae.

Kobus omdat Chelsea verloor het, Jacques omdat Manchester United verloor het en Andre omdat Arsenal nie gespeel het nie.

Grappie.

Al die naweek se brandede kwessies word bespreek asook die Champions League se loting vir die kwarteindronde.

Beskikbaar op iTunes, Apple Podcasts, Google Podcasts, Spotify en SoundCloud.

Dis weer tyd vir hierdie week se rugby en sokker bespreking ná 'n opwindende naweek van uitslae.

Kobus Pretorius, Andre Huisamen en Jacques Joubert kyk na die Bulls se herlewing onder Pote Human en reken die span van Pretoria is Suid-Afrika se beste hoop in hierdie jaar se Superrugby-reeks.

Dan word daar gesels oor Arsenal se 2-0 wen oor Manchester United en Chelsea se desperate gelyk-uitslag teen Wolverhampton. Seges vir Liverpool en Manchester City hou ook die titel-resies aan die gang.

Beskikbaar op iTunes, Apple Podcasts, Google Podcasts, Spotify en SoundCloud.

Kobus Pretorius, Jacques Joubert en Andre Huisamen probeer sin maak van die naweek se Superrugby uitslae wat menigte ondersteuner se Superbru voorspellings deurmekaar gekrap het.

Ons kyk vlugtig na die Proteas se voorbereiding vir die Wêreldbeker voordat die naweek se sokker uitslae deeglik bespreek word met seges vir Manchester United en Chelsea en drama tussen Arsenal en Spurs.

Beskikbaar op iTunes, Apple Podcasts, Google Podcasts, Spotify en SoundCloud.

Kobus Pretorius en Jacques Joubert gesels oor die Proteas se reeksnederlaag teen Sri Lanka en die naweek se Superrugby uitslae.

Die sirkus in die EFL Cup eindstryd tussen Manchester City en Chelsea word ook deeglik bespreek voordat die aandag na Manchester United se dapper vertoning teen Liverpool draai.

Beskikbaar op iTunes, Apple Podcasts, Google Podcasts, Spotify, Deezer en SoundCloud.

Ek en Jacques Joubert kyk na Manchester City se 6-0 sege oor Chelsea, terwyl Liverpool en Manchester United ook goeie oorwinnings die naweek behaal het.

Beskikbaar op iTunes, Apple Podcasts, Google Podcasts, Spotify, Deezer en SoundCloud.

Ek en Jacques Joubert gesels oor die Blitsbokke, Proteas en die naweek se Engelse Premier League resultate.

Beskikbaar op iTunes, Apple Podcasts, Google Podcasts, Spotify, Deezer en SoundCloud.