- føroysk stuttrøð frá 2004Í føroysku stuttrøðini frá 2004 "Havið ímillum", sum er í tveimum pørtum, fylgja vit kokkinum umborð á Skálabergi, Heina Ósa og familju hansara heima. Skálaberg fór av Klaksvík 24. januar og kom aftur 24. apríl 2004. Gjøgnum Heina uppliva vit dagliga lívið og arbeiðið umborð bæði til gamans og álvara. Heima fylgju vit konuni Petru, og tá 5 ára gamla soninum Hera og eldra beiggjanum Jákupi, sum tá var 20 ára gamal. Lagt til rættis: Zacharias Hammer

Havið hevur alstóran týdning fyri Trónd Patursson. Hann hevur siglt um øll havsins høv, og føddur og uppvaksin nær mølini við sugguna í Kirkjubø hevur hann í sær stórhavsins andadrátt. Listarligu útbúgving sína fekk hann í Keypmannahavn, Voss og Oslo.

Náttúran sæst ofta aftur í listini hjá honum. Hav og klettur og ørandi bjørg undir rekandi skýggjum hómast í tí at síggja tilvildarliga streyminum av rennandi litum. Hjá Maritu Nattestad eru litir og formar heilt óbundnir av nøkrum líkskapi við náttúruna.

- føroysk sending frá 1988Sendingin um Jóhonnu Joensen, bóndakonu á Skælingi, varð fyrstu ferð send í des. 1988. Bert 18 ára gomul giftist hon við Jákupi Joensen, sum júst hevði fest garðin á Skælingi. Tey eiga fýra børn. Tá ið hon var 58 ára gomul og hevði verið bóndakona í 40 ár, tekur dóttirin við garðinum og skal føra tað víðari, sum foreldrini løgdu lunnar undir. Í sendingini sigur Johanna Joensen m. a. frá, hvussu tað var at lívbjarga sær á avbyrgdum plássi, har einki vegasamband var til umheimin. Upptøka og sett saman: Bjarni Rubeksen. Lagt til rættis: Dagny Joensen.

- beinl. konsert úr Hátúni á føðingardegi Hanusar.

Teir tríggir AWI bátarnir eru komnir til Ilulisat. Seinasta strekkið til Umannak og Upernavík er eftir at sigla. Hetta er ein ikki sørt vandafull ferð, tí bátarnir koma í nógvan ís og illveður. Móttøkan í Upernavík, ið er næst norðasta kommuna í Grønlandi, er stórfingin. Úr Upernavík og suður til Uamannak við grønlendskum útróðrarbáti, er sannur vandi á ferð, tá báturin steðgar upp fyri olju millum nógv stór ísfjøll. Ein minniligur og søguligur túrur er komin at enda. Sendingin varð fyrstu ferð send 10. januar 1999. Lagt til rættis: Zacharias Hammer.

Hóast myndevnini vóru einføld og lítillatin, so vísti Steffan Danielsen í sínum málningum, at hann hevði ein serligan ans fyri litbrøgdunum í føroysku náttúruni. Nólsoyingurin brúkti ein sermerktan grátónastíl, sum hevði dám av einum reinleika og frískleika og einum opnum sinni.

Í sendingini hoyra vit eisini um Zacharias Heinesen úr Havn, sum í sínum málningum, leggur stóran dent á, at myndaflatan fær sítt egna yðjandi lív, har litfagrir litir renna saman í eina samljóðandi heild. Zacharias Heinesen var fyrsti føroyingurin, sum gekk á listaskúla í Íslandi.

Samrøða við tá 68 ára gomlu, Hjørdis Klein, ættað úr Gjógv. Tá ið hon var 12 ára gomul, doyði mamma hennara frá einum stórum barnaflokki. Og hon var bara 23 ára gomul, tá hon fór til Klaksvíkar at arbeiða sum fyristøðukvinna á Telefonstøðini.

Upptøka og sett saman: Bjarni Rubeksen. Ragnar C. Joensen og Marit Grut. Lagt til rættis: Dagny Joensen.

Í øðrum parti sigla AWI-bátarnir inn í Norðaruhavn í Ravnsoynni. Ein av manningini, Kári Højgaard úr Runavík, var útróðrarmaður har í 1969, sum var seinasta árið, føroyingar róðu út úr Ravnsoynni.

Kári minnist gamlar dagar og vitjar fleiri útróðrarskúrar, ið enn standa uppi. Leiðin gongur síðani norður í Føroyingahavnina. Har ber ikki til at leggja at, tí ongin er at taka ímóti endanum.

Sendingin varð fyrstu ferð send 15. november 1998. Lagt til rættis: Zacharias Hammer.

Frimod Joensen var Føroya fyrsti naivistiski málari. Hann var sjálvlærdur, og við óspiltari frásagnargleði endurgevur hesin litglaði málarin heiman av Sandi landslagið uttanum seg.

Veruleikin, sum hann fatar hann, skal uttan hóvasták endurgevast eins beinleiðis og hann verður uppfataður. Frimod málaði eisini ein hóp av sjálvsmyndum. Hjá honum var onki myndaevni ov banalt. Hann málaði sítt svára einsemi, sín longsul og sínar dreymar.

Dagny Joensen tosar við Lenu Bærentsen, sum er 85 ára gomul, tá upptøkan varð gjørd.