La Marella turna sin ils bancs da scola e fa visita en ina scola privata tut apartia. Questa scola sa chatta a Bratsch (VS) e là na datti naginas classas, nagin urari, nagins roms, naginas pausas fixas, naginas notas e là po mintg'uffant decider sez tge ch'el vul emprender. Las scolas privatas n'han betg simpel en Svizra. Sustegn finanzial dal stadi na datti nagin, uschia ch'ellas èn per part condemnadas a daventar «scolas per ritgs».

Co è la situaziun da las scolas privatas en il Grischun? Èsi propi pli grev da far ina scola privata tar nus ch'en auters chantuns? E co pudess ina scola privata guardar ora, che sa chatta en ina regiun muntagnarda sumeglianta a la nossa?

A la tschertga da respostas ha La Marella fatg il viadi a Bratsch ed ha visità la scola da Damian Gsponer.