Summarmorgun

“Hundafangarin” er heitið á nýggjum sangi, sum bólkurin Grandma’s Basement gevur út í dag – og saman við Jón Jacobsen skifta vit orð um sangin.

Føroyska summarið er á tremur við fjølbroyttum tiltøkum. Vit fregnast um tvey teirra, nevniliga Fjarðastevnuna í Vestmanna og Sandoyarstevnuna í Skopun.

Í komandi viku letur Silvurdrongur úr hondum nýggju heildarútgávuna “Bønir”. Vit skifta orð við Trygva Danielsen um eitt nú tónleikin og útgávuhættir.

Mánadagin verður nýggja útvarpsstuttrøðin “Oyggjar undir trýsti” send á fyrsta sinni. Vit práta við vertin, Una Arge.

Eftir upplatingarveitslu, opið hús og fyrstu privatu veitsluna farna vikuskiftið lat KG Hotel dyrnar upp fyri fyrstu gestunum í gjár 1. juli.

Vit vóru á gátt, har vit hittu stjóran, Eirikur Jákupsson.

Krígsharrin í KREML - Putin og hansara tíð er heitið á bók, sum Sprotin hevur givið út.Tað er Aage Storm Borchgrevink, sum hevur arbeitt í Russlandi alt sítt vaksna lív, ið hevur skrivað bókina, meðan Bjarni Djurholm hevur umsett hana til føroyskt.

Vit skifta orð við týðaran.

Beint fyri ólavsøku í 2011 lat Tórshavnar Big Band úr hondum fløguna “Úr sangskattinum II”, og í dag kemur onnur heildarútgávan í røðini – “Úr sangskattinum II”.

Vit fregnast um nýggju útgávuna og virksemið hjá Tórshavnar Big Band, tá vit skifta orð við Ólav Olsen, Andras Olsen og Eirikur Skála.

13 ára gomul varð Herdis Skorastein løgd undir skurð fyri krabbamein – nakað, ið hevði við sær at hon misti annað beinið.

Og í næstum letur Sprotin úr hondum bókina “Eg fótaði mær aftur”, sum Herdis Skorastein hevur skrivað. Bókin er skrivað á donskum og tað eru systurdøtir hennara – Jastrid Weihe og Pálin Olsen, sum hava umsett bókina til føroyskt. Og tær skifta vit orð við tær um hálvgum níggju tíðina ella so.

Basarurin hjá KFUM skótunum er ein institutión á ólavsøku, men nú er vandi fyri at hesin sermerkti ólavsøkutáttur dettur niðurfyri.

Vit skifta orð við Maluna Ludvig, Boga Sigurstein og Miru Malunardóttir Brøðraberg.

Nú er hann aftur her. Dagarnar 2. til 4. juli er Tórshavnar jazz-, fólka- og bluesfestivalur, sum gjørdi come back í fjør, aftur í Havn. At greiða frá um festivalin kemur Sunnuva Bæk, sum skipa fyri.

Ung lesa er nýggj sending, ið fer úr barkastokki í dag. Vit fregnast um sendingina, tá Silja Aldudóttir, Jóna Reinert Joensen og Olivia Reinert Joensen koma á gátt.