Fyri fyrstu ferð í trý ár var stóri Sjómannadagurin í Klaksvík veruleiki. Hann hevur ikki verið síðani koronasmittan tók seg upp, men í ár var hann aftur.

Fyrireikararnir eru ovfarnir at so nógv fólk møttu upp. Á havnalagnum frammanfyri Gomlu Klaksvíkini var stúgvandi fult av fólki úr øllum landinum.

-Vit eru eini 15-20 mans sum skipa fyri og hava ábyrgdina á hvør sínum øki. Tað gongur so væl, at tað er næstan ikki neyðugt tosa saman. Tað virkar bara, sigur Oliver Joensen.

Hann leggur dent á, at alt á Sjómannadegnum skal vera ókeypis.

-Tað er nógv broytt frá 1962 til í dag, men eg ivist ikki í at Sjómannadagurin hevur týdning fyri teir sum eru í vinnuni, sigur Andru Poulsen.

Hann førir útróðrarbátin Stakkavík, sum er 41 føtur. Báturin hevur verið bestur øll tey trý seinastu árini, 2019, 20 og 21. Á pallinum leygarmorgunin tók Andru ímóti trimum prýðiligum plátum sum siga, at Stakkaberg hevur verið besti útróðrarbátur í tí støddini øll trý árini. Hetta er fyrstu ferð Sjómannadagur er síðani koronasmittan tók seg upp, og tí vóru heiðursplátur handaðar fyri øll trý árini.

Vit tosaðu við:

Karl Birgir Isaksen, fyriskipari av Føroya sjómannadegi

Sólrun Michelsen og Anna Joensen-Næs um kropsfatan

Hergeir Staksberg, Guðrið Poulsen og Bárður Dahl Christiansen um tiltakið "List til eitt vist", sum er á Reinsarínum kl. 20 í kvøld.

Við slagorðunum "allir kroppar eru summarkroppar" hava ymiskar myndir av ymiskum fólkum verið at sæð á Instagramvanganum hjá Sinnibata Ung.

Fólk hava sent teimum nakrar myndir av sær, til dømis í bikini og svimjidrakt ella eina mynd av einum berum búki. Og so hava tey skrivað ein tekst um sína kropsfatan.

Harafturat hevur ymisk list verið á vanganum, sum snýr seg um kroppar so ella so, tekningar, yrkingar, tónleikur o.s.fr.

Djór hava leingi verið nýtt, at hjálpa fólkum við ymsum avbjóðingum. Tey flestu kenna eitt nú blindahundar, men hundar kunnu eisini nýtast at hjálpa fólki við sjúkuni epilepsi.

Eini 500 føroyingar liva við epilepsi, og hetta er sjúka, sum kann hava stóra ávirkan á gerandisdagin.

Ein teirra, ið hevur sjúkuna, er Karis í Liða Hansen. Hon hevur sera ringa epilepsi, sum ger, at hon fær ógvuslig herðindi, sum millum annað hava við sær, at hon javnan má liggja á intensivari deild fyri at fáa hjálp.

Vit prátaðu við:

Aron Jacobsen og Rani A. Dalsgarð sum luttaka í EM í amboðsfimleiki, sum er í Munchen í Týsklandi í løtuni.

Karis í Liða Hansen og Jimmi Koldenborg, sum greiða frá um epilepsihund, sum Karis, sum hevur ringa epilepsi, hevur fingið fyri at hjálpa henni.

Sigmundur Isfeldt og Sissal Kristiansen um japanska vitjan í Føroyum og japanskir filmsdagar.

Aron D. Jacobsen og Rani A. Dalsgarð hava kvalifiserað seg til EM sum teir einastu tveir menninir í Danmark. Teir umboða danska landsliðið, tí Føroyar eru ikki góðkendar.

Aron Jacobsen býr í Danmark og venur við einum donskum felagi, meðan Rani Dalsgarð býr í Føroyum. Ta seinastu tíðina hevur Rani vant einsamallur, tí hann hevur ongan venjara í løtuni, og hinir fimleikararnir hava havt summarfrí.

Aron skal kappast í øllum seks greinum í amboðsfimleiki dag, og Rani kappast í einari grein.

Vit tosaðu við:

Óla Mittún, sum er kosin at vera besti hondbóltsleikari í Evropa í U18 árganginum

Ivan Hentze Niclasen, stjóra í Kringvarpinum og Eirik Lindeskov, ábyrgdarblaðstjóra á Sosialinum

Mark Blach-Ørsten, professara á Roskilde Universitet og Heina í Skorini, ph.d. og lekatari á Setrinum um miðlaráðstevnu í Norðurlandahúsinum hósdagin.

 

Vertir vóru:

Marin Hermansdóttir Eidesgaard og Lív Mikkelsen

Um vikuskiftið fingu Føroyar á fyrsta sinni ein norðurlendskan meistara í ríðikapping.

Tað var Knút Lützen og hesti hansara Kára, sum sunnudagin sannførandi vunnu NM í greinini GDB Gæðingakeppni.

Hetta er fyrstu ferð, at Føroyar hava fingið ein norðurlendskan meistara í ríðikapping á íslandsrossum, og eitt tað størtsa avrikið innan ríðing í Føroyum, sigur Brandur í Dali, formaður í Ríðisambandi Føroya.

At vinna NM í ríðing var ein dreymur, sum gjørdist veruleiki hjá Knút Lútzen;

Føroyar eru nummar níggju í Evropa í U18-manshondbólti. Um vikuskiftið spældu teir seinasta dystin í EM endaspælinum í móti Íslandi. Teir vunnu dystin við tveimum málum og kundu hátíðarhalda at enda nummar níggju.

Óli Mittún má sigast at vera stjørnan á liðnum. Hann er ein 17 ára gamal hoyvíkingur, sum bleiv kosin besti hondbóltsleikari í Evropa í U18 árganginum. Umframt tað, var hann eisini toppskjútti í kappingini við heili 80 málum.

Tað er 100% lykilin til Hoyvíkshøllina, sum hevur gjørt hann til so góðan hondbóltsleikara á so ungum aldri, sigur Óli.