Nógv verður tosað um skíggjavanar í dag. Um vit áttu at avmarka okkara skíggjanýtslu, um børn eiga at nýta skíggjar, og hvørjar avleiðingar nýtslan av skíggjum kann hava.

Heimsheilsustovnurin WHO hevur fyri stuttum mælt til, at børn millum eitt og fimm ár bert mugu nýta skíggjar ein tíma um dagin, meðan børn undir eitt ár als ikki mugu hyggja í skíggjar, tí tað ávirkar menningina.

Intercoiffure Mondial er ein altjóða felagsskapur, sum hevur fleiri enn 3000 hárfríðkanarstovur kring heimin og hevur til endamáls at verja hárfríðkanarfakið, savna hárfríðkanarfólk og skapa hársnið og móta.

Mariann Klein Ivansdóttir er Art Director fyri Intercoiffure Danmark, og hennara leiklutur er at standa fyri øllum innan hársnið, myndatøkur, framførslur og móta.

Mariann hevur nú vunnið virðislønina "Personality of the Year". Hon vann heiðurin fyri ymisk stór avrik og hennara positiva lyndi.

Vit liva í alt ov stóran mun í høvdinum, har gerandisskyldur, ørkymlingar um fíggjarstøðu, barnauppaling, arbeiði og kanska eisini eitt parlag, ið er vorðið eitt sindur minni spennandi og gevandi enn ynskiligt er, seta dagsskránna.

Heldur skuldu vit lurta meir eftir kroppinum, har vit, um vit geva okkum stundir, kunnu finna svarið á, hvat vit í veruleikanum ynskja at siga ja og nei til, og hvat vit í veruleikanum kenna innanst inni, metir Vivian Sjóklett, námsfrøðingur, listaterapeutur, vaginalterapeutur og sexologlesandi.

Niels Uni Dam, samskiftisráðgevi, spáddi fyri í vikuni, at stórar valplakatir ikki fóru at koma upp fyrr enn hálvan august, men nú eru longu fleiri at síggja.

Hann sigur, at tað nokk er tí, at fólk hava væntað val 31. august og hava bílagt sær plakatir, áðrenn summarfrítíðina og brúka nógv aftur frá fólkatingsvalinum, so alt er longu klárt.

Niels Uni Dam heldur, at sosialir miðlar, serliga Facebook, fara at verða nógv brúktir hetta valstríðið. Valevni eru farin at gera fleiri videoupptøkur, tað sást til seinasta val, og tað fer sikkurt at seta sín dám á hetta valstríðið.

- Vit kenna øll til orðið matmentan, ið snýr seg um tann mat vit eta, men einki orð var fyri tað, sum sker, áðrenn vit koma so langt sum til at eta tann mat, vit hava tikið úr jørðini, so vit byrjaðu bara at kalla tað moldmentan.

Soleiðis situr Tjóðhild Patursson, háskúlastjóri, nú opið er fyri tilmeldingum til heystskeiðið hjá Mat- og moldmentanarháskúlanum á Sandi. Hon hevur ikki sitið í starvinum leingi, men heimasíðan er nú klár, og tað sama er galdandi við fyrstu skeiðunum.

Upprunaliga vóru tað bara gentur, sum fingu ókeypis koppseting fyri HPV, men nú fer tilboðið eisini at fevna um dreingir.

Tað fegnast Durita Tausen, forkvinna í Krabbameinsfelagnum, um, tí HPV-koppsetingin er við til at fyribyrgja fleiri sløgum av krabbameini, umframt kynssjúkum.

Hjá monnum verjir koppsetingin serliga fyri krabbameini í penis, men eisini t.d. í svølginum og endatarminum.

At dreingir verða koppsettir fyri HPV merkir eisini, at gentur, sum ikki eru koppsettar fyri HPV, fara at verða betur vardar fyri kyknubroytingum og lívmóðurhálskrabba.

Soleiðis sigur Gunnvá Zachariasen, eftir at hon hevði verið í Sjónleikarhúsinum í Havn til framførslu av ársins ólavsøkukabarett.

– Ein góð kabarett skal viðgera tað, sum er hent í samfelagnum seinasta árið, og tað skal gerast við sjónleiki og tónleiki. Innsløgini vóru passaliga nógv í tali, og eisini deiliga stutt. Tó saknaði eg orkestrið, hóast einsamalli klaverspælarin gjørdi tað væl, leggur hon afturat.

Hoyra alla samrøðuna her.

Trø eru við til at skapa trivnað og ikki minst geva tey lívd. Hesar eru nakrar av orsøkunum til at Tórshavnar kommuna er farin undir at planta 10.000 trø ymsastaðni í kommununi.

Eitt av teimum støðum er nýggi Kirkjugarðurin í Hoyvík, og har hittu vit í Summarmorgni Marin Katrinu Frýdal, sum er forkvinna í Byggi- og býarskipanarnevndini í kommununi.

Í dag skipar Norðurlandahúsið fyri verkstovu fyri børn, sum eru seks til 12 ár.

Tað er svenska Ylva Thorsdottir Planman, sum er í summarstarvi í Norðurlandahúsinum, sum hevur verkstovuna.

Endamálið er at gera barnalist úr endurnýtslutilfari.

Ylva heldur tað vera gott at brúka endurnýtslutilfar og síggja, hvat man kann fáa burturúr tí, sum man longu hevur.

Eisini er tað gott at lata tøknina liggja eina løtu og vera kreativ/ur og hava tað stuttligt, sigur Ylva.

Ólavsøkukabarettin er sum vant stuttlig og samfelagsaktuell og hóskar seg til hýrin á ólavsøku. Tað eina brotið úr Ólavsøkukabarettini kann hoyrast her, og tað snýr seg um grindahvalir og G! festival.

Sóley Danielsen, Katrin Joensen-Næs, Rebekka Rafael, Torkil Tórgarð og Jákup Dahl Wardum spæla Ólavsøkukabarettina 2019.

Andrias Høgenni er leikstjóri, og tað er fyrstu ferð, at hann roynir tað. Hann helt tað vera stuttligt, at royna okkurt nýtt, men hóast hetta er nýtt fyri hann, so er hann vanur at leikstjórna.