Summarmorgun

Vit tosaðu við: 

Hanus Kjølbro frá Veðurstovuni

Tony Byrnes, Steve Lloyd og Ivan Hentze Niclasen um nýggja bók um bretska hervaldið í Føroyum.

Urd Johannesen, samskipara í Farlit og Maritu Thomsen, um týðara- og bókmentatiltak í Reinsarínum

Vertir eru: Marin Hermansdóttir Eidesgaard Lív Mikkelsen

- Tá eg fylti 60 ár, gav eg mær sjálvum 60 kilometrar í føðingardagsgávu, so tað fangaði eitt sindur. Tí helt eg, at nú skuldi eg renna 70 kilometrar.

So tað gjørdi Robert Vilhelmsen. Stutt fyri, at hann fylti 71 ár, rann hann samfullar 70 kilometrar út í eitt í góðar átta tímar.

Hoyr samrøðuna við Robert Vilhelmsen.

"Da vi var på Grønland" er lívið í Føroyingarhavnini í Vesturgrønlandi sæð við norskum eygum. Men ein fittur partur av filminum snýr seg um føroyska leiklutin í Føroyingahavnini.

Kersti Dale hevur gjørt filmin, tí hon hevur sjálv búð í Føroyingahavnini sum barn, tá ið hennara foreldur arbeiddu har. Nógv forkunnugt myndatilfar og ósæddir filmar er partur av heimildarfilminum, sum verður sýndur í Norðurlandahúsinum sunnudagin.

Hoyr samrøðu við Kersti Dale her.

Vit tosaðu við:

Ann-Mari av Skarði, sum skipar fyri ovastevnuni

Siggert Patursson, sum fær hoyggið til høldar

Tummas Lervig, formann í KÍ, um farvæl til Evropa á hesum sinni

Sigmund Zachariassen, sum gevur út nýggja plátu í dag

Vertir eru: Lív Mikkelsen og Ingi Rasmussen

- Eg havi tað ordiliga gott. Eg eri nokk so bilsin um, at eg ikki eri troyttari, men eg vænti, at møðin fer at koma næstu dagarnar.

Soleiðis sigur 55 ára gamli Kjartan Egholm, sum í vikuni hevur súkklað longu leiðina úr Italia til Norðurnorra. 3800 kilometrar tilsamans, í miðal einari 250 kilometrar um dagin, onkuntíð í sólskini og ógvusligum hita, onkuntíð í regni og kulda, og viðhvørt gjørdi pínan vart við seg. Men eftir stendur ein ferð, sum hann ongantíð fer at gloyma.

Vit tosaðu við:

Kjartan Egholm, sum súkklaði heilt frá Gardavatni til Norðkapp

Karl Jákup Ósa, spentur KÍ-fjeppari, ið gleðir seg til stórdyst á Tórsvølli

Kersti Dali, sum hevur gjørt heimildarfilmin Da vi var i Grønland um Føroyingahavnina

Luttakarar og lærara á Summarskeiðnum í føroyskum á Setrinum

Í løtuni eru 20 útlendingar úr 10 ymiskum londum á summarskeiði á Føroyamálsdeildini á Setrinum, har teir savnast um áhugan fyri føroyskum máli.

Umframt undirvísing í føroyskum máli eru fyrilestrar um føroyska mentan og samfelagsviðurskifti, og skipað verður eisini fyri útferðum.

Eitt av hæddarpunktunum á ovastevnu er framførslan av einum nýskrivaðum sangleinki.

Eini 30 nólsoyingar ella fólk við tilknýti til oynna luttaka í nýggja sangleikinum, sum hevur heitið "Kongsdóttirin í Nólsoy", og byggir á kendu søgnina um kongsdóttrina, sum skal sigast vera komin úr Skotlandi og hava búsett seg í Nólsoy.

Hugskotið til stóru verkætlanina eiga Hilmar og Gunnvør Joensen, og tey hava fingið Gunvor Reynberg, sum er hálvur føroyingur, útbúgvin sjónleikari og royndur leikritahøvundi at skriva leikin.

Vit tosaðu við:

Simon Olsen, landsliðsvenjara hjá u18 kvinnum, ið gjørdust nummar 19 í HM-endaspælinum

Suna Merkisstein, ið greinaði OL-luttøkuna hjá talvlandsliðnum í India

Gunvor Reynberg og Hilmar Joensen, ið framføra sangleik um Kongsdóttrina í Nólsoy á ovastevnu

Vertir eru Lív Mikkelsen og Ingi Rasmussen

Kappingin um norðurlendska meistaraheitið í seyðahundum er av og Føroyar gjørdust nummar trý í liðkappingini aftanfyri Svøríki og Norra, men frammafyri Finnlandi og Danmark.

Teir sum luttóku vóru Tummas Jacobsen vid Moss, Páll Poulsen vid Milo og Jónleif Sólsker vid Jett.

Tummas Jacobsen endaði sum nummar átta í individuellu kappingini, og er væl nøgdur við úrslitið.

Tað eru serliga normenn, sum liggja frammalaga í seyðahundakappingum, men Tummas Jacobsen vísir á, at norðurlendsku kappingarneytarnar geva føroysku seyðahundunum góð skotsmál.