Summarmorgun

Starvsmannafelagið vil varpa ljós á seks kjarnumál til Løgtingsvalið og hevur í tí sambandi útgivið eitt blað har kjarnuøkini verða lýst.

Hesi eru eitt nú at minka arbeiðsvikuna niður í 37 tímar við lóg, hava greiðan skilna millum arbeiði og frítíð, og at tryggja rættindini hjá teimum, ið eru sett í tíðaravmarkaði størv.

Hoyr Regin Berg, sum hevur samskipað verkætlanina hjá Starvsmannafelagnum, greiða frá.

Atlantsflog fór í dag fyrsta túrin til Charles de Gaulle flogvøllin í franska høvuðsstaðnum París. Atlantic Airways flýgur til París tríggjar ferðir um vikuna í summar, og ætlanin er at halda áfram at flúgva fleiri ferðir um vikuna í vetur, sigur Jóhanna á Bergi, stjóri í Atlantsflogi.

Oyggjaleikirnir í Gibraltar byrja leygardagin, og hesa vikuna hevur summarmorgun samrøður við ítróttafólk, sum fara at umboða Føroyar. 

Marin Eidesgaard hevur hitt Magnus Jakobsen, sum spælir á kurvabóltslandsliðnum.

Hann vísur millum annað á, alsamt fleiri velja at spæla kurvabólt, at kurvabóltur sostatt er vaksandi ítróttagrein í Føroyum.

Hoyr sendingina her

Luttakarar, Magni Christiansen,, Uni Næs, Rúni Djurhuus og Jón Brian Hvidtfeldt

Varmakelda verður í Fuglafirði um vikuskifti, og í ár verður skipað fyri einum heilt serligum tiltaki.

Tað eru 50 ár síðani at fyrsta málningaframsýningin lat upp á Varmakeldu, og hendan málningaframsýningin hevur havt stóran týdning fyri stevnuna. Tí hevur ein arbeiðsbólkur í longri tíð saman við Frits Johannesen arbeitt við at skipa fyri einari stórfingnari listaframsýning.

Krígssavnið hevur í fleiri ár arbeitt við at umvæla SOR-bygningin á Hálsi tætt við flogvøllin í Vágum, við tí fyri eyga at gera bygningin til krígssavn. Ætlanin er eisini at Visit Vágar skal halda til í SOR-bygninginum.

Nú eru umvælingarnar komnar so mikið langt, at Visit Vágar og Krígssavnið eru farin at leggja til rættis innflytingina. Krígssavnið hevur longu flutt fleiri lutir, úr hølunum í Miðvági, har savnið higartil hevur hildið til, og í SOR-bygningin.

Nýggja kaféin "Fiskastykkið", ið lat upp hósdagin í síðstu viku, er einasta kaffistovan í Sandavági, og tað eru fleiri ár síðani at ein kaffistova seinast var í bygdini.

Kaféin er staðsett vakurt í gamla pakkhúsinum, Úti á Gjógv í Sandavági, sum liggur beint við síðina av einum søguligum fiskastykki, sum í árunum frá 1912 til 1972 brúkt til at turka og pakka klippfisk.

Hoyr sendingina her

Luttakarar, Birna Dahl Jacobsen, Sigvør Laksá, Jastrid á Dalbø, Oddvør á Lakjuni, Hedvig Westerlund-Kapnas, Eyðfríð Vík, Eydna Iversen Lindenskov, Birgit Andersen og Samuel Jørmundarsson

Tú kanst hoyra samrøðuna her.

Tú kanst hoyra frásøgnina her!