Summarmorgun

Hoyr Fríðálv Jensen, tónleikaummælara og Heina Lutzen, sangara, minnast Alex Bærendsen.

Nina Brockie er limur í hundafelagnum og djóravinur. Hon ræður fólki, ið eiga djór, til at finna góð ansingarstøð til teirra í feriuni. Hon sigur eisini, at djór føla á sær, tá eigariin riggar til at fara út at ferðast, og at í summum førum loypa t.d. hundar uppí opna kuffertið ímeðan pakka verður.

Hoyr samrøðuna við Ninu Brockie her.

Seinasta árið hevur Sofus Høj á Strondum, ríka føroyska tónleikapallin, við einum "oyrahangara" fyri og øðrum eftir. Tey myrku skýggj, Kennari, Lagnan og Work it out eru nakrir av nógv spældu sangum hansara seinast tíðina. Lítiðlætni strandingurin yrkir bæði á føroyskum og enskum, og leggur dent á, at hann fær hjálp frá góðum fólki innan føroyska tónleikaheimin.

Uni Holm Johannesen prátaði við fýra fólk, sum antin búgva ella starvast í Sandoy, um sandoyartunnilin, sum fekk fyrsta skotið í gjár.

5G.

Orðið - ella talið og bókstavurin - kunnu vit venja okkum við.

Tað er framtíðin.

Talan er um fimta ættarlið av fartelefonsamskifti. Ferðin verður tíggjufaldað í mun til 4G.

Meðan onnur lond stríðast við at leggja káplar, sum skulu tryggja skjóta sambandið; kunnu vit føroyingar klappa okkum sjálvar á herðarnar.

Tí undirstøðukervið er longa lagt, sigur Páll Vesturbú, stjóri í FT Neti.

Føroyingar yvirtóku veðurtænastuna í 2009, men síðani tá er lítið og einki hent. Hetta skal nú broytast.

Fiskimálaráðið hevur sett ein arbeiðsbólk, sum skal koma við einum tilmæli um eina føryska veðurtænastu, ið er lagað til føroysk viðurskifti og til tørvin hjá føroyska brúkaranum.

Hoyr Alix Rasmussen, veðurfrøðing og Hanus Kjølbro, veðurkønan, sum eru í arbeiðsbólkinum, greiða frá.

Millum annað hendan spurning setti Summarmorgun Sissal Kristiansen.

Íslendingar hava dugað væl at bygt eitt umhvørvið kring landsliðið, sum flest øll kunnu kenna seg aftur í, og samstundis er hetta sera góð marknaðarføring fyri Ísland.

Boðið verður til almet yoga á Tórsbreyt, og ikki er neyðugt at duga at standa á høvdinum fyri at vera við.

Fyriskipararnir Elisa Vang og Turið Gaard Hansen vóru á gátt hjá Summarmorgni.

Í mai 2016 varð Jákup Petur skurðviðgjørdur fyri diskusprolaps fyri aðru ferð, men skurðviðgerðin eydnaðst ikki sum ætlað. Jákup Petur hevði nógva pínu og fekk lítið og einki gjørt. Eftir tríggjar mánaðir sum seingarliggjandi tók hann seg saman og byrjaði stillisliga at arbeiða og at venja. Tað byrjaði at ganga framá og í dag, tvey ár seinni, hevur hann luttikið í sínum fyrsta triatlon og skal í heyst vera við til HM í triatlon í Suðurafrika.

Her er ein reportaga frá Útoyggjastevnuni í Svínoy leygardagin. Tey, sum samrøða er við, eru: Sigmar Høgnesen, Sólarn Isaksen, Heri Joensen, Malla Djurhuus, Jákup Mikkelsen, Sunnva á Geilini Asano, Meinhard Hentze og fimm útlendskir AFS-skiftisnæmingar, ið eru Louise Lallement úr Fraklandi, Owen Frederick úr USA, Ela Kot úr Póllandi, Martina M. Tibau úr Spania og Merle Rupprecht úr Týskland.

 

Lurta eftir innslagnum í Summarmorgni her. Myndin er frá setanini. Heri Joensen, prestur, setti Útoyggjastevnuna í heimbygdini.