பொருந்தும் ஓர் உந்திக் கீழே புகன்று எழும் சுழியைப்பற்றி

எழுந்தவோர் நாடிதானும் எழுபத் தீராயிரந்தான்

தெரிந்ததோர் இவற்றில் பத்து திசை நாடி இவற்றில்

மூன்றால்

பரிந்ததோர் வாதபித்தம் படர் ஐயம் அறிந்து பாரே. 

அகத்தியர் பாடல்

நாக்கைமேல் மடித்துவச

மாக்கிடவன்மையுண்டானால்

தாக்கலாம்சுவாசமதனைக் காபலத்திலுண்டாக்கலாம் பிரகாசநாதனை

மூலமதை மேலேயெக்கிக் காலதைப்பிடித்தடைத்தால் ஆலமுண்டோனையறியலாம் அவனருமை பாலனயுலகில் வாழலாம்

சித்ரமுத்து அடிகளார்

காட்சியாம் கனகமென்ற பொருளையப்பா

காசினியில் வெகுபேர்கள் காண்பதற்கு

தாட்சியில்லா சாத்திரங்கள் கண்டு ஆராய்ந்து

தடுமாறி தலைமாறிக் கலையும்மாறி

மாட்சியுடன் கோர்வையென்ற சாத்திரத்தை

மார்க்கமுடன் காணாமல் மயங்கினார்கள்

ஆட்சிபந்தம் வெகுநூல்கள் சொன்னாருண்டு

அப்பனே குருநூல்தான் பாராாதானே.

பாராமல் மாண்பரெல்லாம் பதியுங்கெட்டு

பாங்கான சாத்திரத்தின் முறையுங்கெட்டு

நேரேதான் சாத்திரத்தை விட்டகற்றி

நேர்மையுடன் மதிஊன்றிப் பாராமல்தான்

பூராயமானதொரு ரிஷிகள் நூலில்

புகன்றிட்ட மர்மமதை அறியாமல்தான்

சாராய மானதொரு வஸ்துதன்னை

சாங்கமுடன் கற்பமென்று கொண்டிட்டாரே

போகர் பாடல்

யோகியாம் தத்துவத்தில் மிகுந்தவானாய்

யோகமெனும் பதிதனக்கு உகந்த சீடன்,

போகமது தான் அகற்றி பொதிந்துவாழும்

பெருங்கமுடன் ஞானம் என்ற மாண்பர்கண்டு.

ரோகமது இல்லாத புண்ணியவானாய்

நொடிக்குள்ளே பகுத்தறிவு கொண்ட தீரன்.

காகமது நேராத சீடன்கண்டு

சட்டமுடன் உபதேசஞ் செய்திட்டாரே.

போகர் பாடல்