Tamil Spiritual Talks

பகத் தொழுக்கு மாதரசங் கரந்துடைப்ப மிவை தூட்

பட நெருங்கோம், தீபமைந்தர் மர நிழலில் வசியோம்,

சுகப்புணர்ச்சி யசனபசனத்தருணஞ் செய்வோம்.

துஞ்சலுண விருமலஞ்சை யோக மழுக்காடை

வகுப்பெருக்கிற் சிந்துகச மிவைமாலை விரும்போம்,

விற்சலந்தெய் விதும்பிர் சற்குருவை விடமாட்டோம்

நகச்சலமு முளைச் சலமுந் நெறிக்கும்மிட மணுகோம்,

நமனார்க்கிங் கேதுகவை நாமிருக்க மிடத்தே.

தேரையர் பாடல்

சென்றேனே நோயாளி பக்கல்சென்றேன்

தெளிவாக தேரையர் பின்னேநிற்க

வென்றிடவே தேரைதனை யெடுக்கும்போது

வேகமுடன் ராமதேவர் செய்தவண்மை

பையவே தாம்பாளந் தன்னிலப்பா

நையவே தேரையது மூளைவிட்டு

நலமுடனே சலந்தனிலே குதிக்கலாச்சே,

பாலகனே தானெடுத்து காட்டினார்பார்

செய்தபின்பு தேரைய னென்றநாமம்

திக்கெல்லாம் கீர்த்தியுண்டாம் பிரகாசித்து

கைதவமாய் தேரைய றென்றநாமம்

காசினியில் குருவாக்கு தானுமாகி

வெய்ய புகழ் தேரைய னானசித்து

வெகுகோடி வித்தைகளை செய்தமாண்பர்

பொய்யாத பண்டிதனா மூமையப்பா

பொன்னுலக சித்தனென்று பேருண்டாச்சே

ஆச்சப்பா தேரைய ரென்றசித்து

அப்பனே தலைமுறையின் முறைபாடெல்லாம்

பேச்சப்பா மடாதிபதி பதினாலப்பா

பேருலகில் தலைமுறை வர்க்கந்தன்னில்

மூச்சடங்கி போனதொரு குருக்கள்மாண்பர்

மூதுலகில் சீடவர்க்க திருவடிதானப்பா

கூச்சமில்லா மாண்பர்களோ வெழுபத்தொன்பர்

குவலயத்தி லிருந்தார்கள் வுண்மைகேளே.

அகத்தியர்

சங்கமாம் நாற்பத்தி யெட்டுமாண்பர்

சதுருடனே சபைகூடி யிருந்தாரப்பா

துங்கமெனும் திரணாக்கிய பாலனுக்கு

தூய்தாக நெடுங்கால தலைநோக்காடு

தங்கியே வெகுகோடி சித்தரப்பா

தயவுடனே கோடிவகை மருந்துமீய்ந்தார்

புங்கசித்து யெட்டுரிய புண்ணியோற்கும்

புதுமையாந் தலைநோவுந் தீராதன்றே.

தீராத நோயப்பா முனிவருக்கு

தீர்க்கமுட னெந்தனையு மஞ்சலித்து

கூடாத வார்த்தையது மிகவுங்கூறி

குருபரனே யெந்தனையு மவிழ்தங்கேட்டார்

தீராத வடியேனு மனதுவந்து

தீர்க்கமுடன் தலைதனையே கீறிமைந்தா

வீராக வாயுதத்தால் தேரைதம்மை

விருப்பமுடன்தாமெடுக்க சென்றிட்டேனே.

அகத்தியர் பாடல்

கேளப்பா புண்ணாக்கு சித்தருக்கு

கேவலமாந் தொழில்முறைகள் நடாத்துங்காலம்

ஆளப்பா திருவடியின் வர்க்கமப்பா

அப்பனே மடாதிபதி நாற்பத்தெண்பர்

நீளப்பா வவரவர்கள் பாதந்தொட்டு

நிட்களங்க மானதொரு சீடரப்பா

சூளப்பா வெண்பத்து நாலுபேர்கள்

சுந்தரனே மாணாக்க ளுண்டாம்காணே.

உண்டாமே மாணாக்கர் தன்னிலப்பா

வுத்தமனே சமுசார வாழ்க்கையோடும்

தெண்டமுட னஞ்சலிகள் மிகவேசெய்து

தேற்றமுடன் பதிபாச நிலைல்நின்று

அண்டர்முனி ராட்சதர்கள் ரிடிகள்தம்மால்

அப்பனே யவர்பணிக்கு யேவலாகி

சண்டமா றுதம்போல யேவுகொண்டு

சட்டமுடன் சிலகால மிருந்திட்டாரே.

அகத்தியர் பாடல்

ஆறு திங்கட் கொருதடவை வமனமருந் தயில்வோம்

அடர் நான்கு மதிக்கொரு காற்பேதியுரை நுகர்வோம்

தேறுமதி யொன்றரைக் கோர் தரநசியம் பெறுவோம்

திங்களரைக் கிரண்டு தரஞ் சவள விருப்புறுவோம்

வீறுசதுர் நாட்கொருகால் நெய் முழுக்கைத் தவிரோம்

விழிகளுக்கஞ் சனமூன்று நாட்கொருகா லிடுவோம்.

நாறுகந்தம் புட்பமிவை நடுநிசியின் முகரோம்

நமனார்க்கிங் கேதுகவை நாமிருக்கு மிடத்தே.

தேரையர் பாடல்

அஞ்சானது ஏது என்று கேட்பாயானால்

அப்பனே தங்கமது பிரிதிவாகும்

துஞ்சல் என்ற இரும்பு அதுவும்

வாயுவாகும்

துப்புரவாய்ச் செம்பு அதுவும் தேய்வாகும்

மிஞ்சவே காரீயம் அப்புவாகும்

மிக்கான நாகம் அது ஆகாசந்தான்

துஞ்சலென்ற லோகமது அஞ்சுங்கூடி

துறையான பஞ்சபூதம் ஒடுக்கந்தானே

போகர் பாடல்

கன்மத் தால் வந்தவினை தீராவிட்டால்

காயமழிந்தே பிறக்குங் கன்மநோய் வருகும்

சென்மத்தில் விந்துவிட்டுச் செனித்தவுடன் வருகும்

சீக்கிரமாய் நிவர்த்தி செய்து தீட்சைசெய்வாய்

பன்மத்தில் துன்மார்க்கப் பாவிகள் தானூலை

பாராமற் பொருளறியார் பாழ்வினைக் கீடாவார்

கன்மத்தை நிவர்த்தி செய்யக் கடுகக்கேளு

கனத்த தயா நிதி கிடைத்தால் தருகரது நோயே.

தேரையர் பாடல்

தானான உலகமதை

ஆண்டும் என்ன

தாரணியில் கீர்த்தியது பெற்றும் என்ன

கோனான கோவேந்தர் தன்னைப்போலே

கொற்றவனே கிரீடமதைக் கொண்டும் என்ன

தேனான மாளிகையும் கட்டி என்ன

திகழான சமுசாரம் கொண்டும் என்ன

பானான பாலகரை பெற்றும் என்ன

பாலகனே ஞானம் என்ற பால்தான்வேண்டே

போகர் பாடல்

இக்கலியுலகினிலே

மக்களை பெறுவதிலும்

மிக்க நல்விவேகமூட்டணும் - பெரியார்கட்டு தக்க மரியாதைகாட்டணும்.

நாசிரெண்டி லொன்றைமூடி

வாசியோகம் செய்து நாங்கள் காசிசென்றுவந்தோமென்பரே

கபடநீறு பூசிவேடம் போடும்வம்பரே

சித்ரமுத்து அடிகளார்

யோகமென்றால் சிவயோக முண்மையாச்சு

ஒத்து நின்ற கிரிகையடா யோக வாழ்க்கை

பாகமென்றா லிடப்பாகம் பெற்றாளாத்தாள்

பதிய றிந்து நின்றவனே சிவயோகியப்பா

ஆகமபு ராணமெல்லா மவனேயாச்சு

ஆதியாய் நின்றசத்தி யவளுங்கூட

ஆகமத்தைப் பேசிவைத்தா ரீசன் தானும்

அப்படியே உலகமது நடந்தவாரே.

அகத்தியர் பாடல்