Tamil Spiritual Talks

காணுதற்குச் சரியையொடு கிரியையோகம்

சுண்டதொரு ஞானமடா நாலுங்கேளு

மாணுதற்கு லோகத்தோர் வீடுகட்டி

மகிழ்வாகக் கல்மரத்தைச் செம்பை நாட்டித்

தாணுவெனப் புகழ்ந்தாக்காற் சரியையாகும்

தகட்டிற்செய் சக்கரங்கள் கிரியையாகும்

ஊணுதற்கு வாசிகொண்டு உடலிலூத

உத்தமனே யோகமென்று உரைத்திட்டேனே

அகத்தியர் பாடல்

ஆச்சப்பா குண்டலியை குய்யம்பற்றி

அப்பனே விசுத்தியிலே சிங்குவையொட்டி

மூச்சப்பா வொடுங்காம லத்திநியைபற்றி

முனையான காந்தாரி பிகுவில்நின்று

ஆச்சரிய மானதொரு நையம்பூண்டு

அப்பனே வனாகதத்தில் மாட்டிநின்று

மாச்சலென்ற கும்பகத்தில் கேசரத்தைமாட்டி

மகிமையுடன் ஞானத்தை யொட்டினாரே.

அகத்தியர் பாடல்

பாலான சின்மயத்தின் பொருளோவென்றால்

பாலகனே யெடுத்துரைத்தா ரசுவனிக்கு

மேலான பொருளப்பா வத்வபோதம்

மேன்மையுட னின்னவெகு வோதலாச்சு

தாலான வருள்கொண்ட தவமேயாகி

சடாட்சரமே ஞானமென்ற மாலையாக

சூலாக வாத்மவெளி பிரகாசந்தான்

சொற்பவெளி குண்டலியைப் பற்றலாச்சே.

அகத்தியர் பாடல்

தானென்ற வுலகத்திற் சிறிதுபேர்கள்

  சடைபுலித்தோல் காவிவஸ்திரந் தாம்பூரம் பூண்டு

ஊனென்ற வுடம்பெல்லாம் சாம்பல்பூசி

  உலகத்தில் யோகியென்பார் ஞானியென்பார்

தேனென்ற சிவபூசை தீட்சையென்பார்

  திருமாலைக் கண்ணெதிரே கண்டேனென்பார்

கானென்ற காட்டுக்குள் தேவர்கோடி

  காரணத்தை யறியாமற் கதறுவாரே.

கதறுகின்ற பேர்களய்யா கோடாகோடி

  காரணத்தை யறிந்தவர்கள் கொஞ்சம்கொஞ்சம்

பதறுகின்ற பேர்களெல்லாம் பரமார்த்தத்தைப்

  பக்தியினாற் பார்த்தவர்கள் சுருக்கமப்பா

உதறுகின்ற பேர்களையா வுலகத்துள்ளே

  உதித்தகலை தன்னிடத்தி லறியமாட்டார்

சிதறுகின்ற பேர்களைப்போற் சிதறிடாமற்

  சிவசக்தி வரும்பாதை தன்னில்நில்லே.

வால்மீகர் பாடல்

போவென்று சொன்னதுதான் ஆரை மைந்தா

புகழ்பெரிய சித்தருட மரபுள்ளோரைக்

கூவென்று தர்க்கமிடும் உலக மாண்பர்

கூட்டுறவை விட்டுவிடு குன்றில் ஏறு

தேவென்று சித்தருடன் சேர வேணும்

செப்புவார் வேதாந்தந் திறந்து சொல்வார்

ஆமென்று அலையாதே கற்பங் கொள்வார்

அப்பனே யோகமுற்றால் அதீதப் பேறே.

அகத்தியர் பாடல்

கூறினால் சித்தர்முனி சாபமப்பா

குவலயத்தி லுனைப்பிடிக்கும் குணமுள்ளானே

மீறியே தவத்தோற்கும் புண்ணியோற்கும்

மிக்கவே தானுரைத்தால் சாபமில்லை

தூறியே கர்மிகட்கும் பாபியோற்கும்

துப்புரவா யுரைத்ததுவுந் தோன்றுமாகி

சீறியே சாபமது யுடன்பலிக்கும்

சிற்பரனே யொருக்காலும் நரகந்தானே.

அகத்தியர் பாடல்

ஆச்சரிய மானதொரு சித்தரப்பா

அப்பனே சட்டமுனி நாதராலே

மூச்சடங்கி யிருந்ததொரு சித்தரெல்லாம்

முனையாக வவர்பக்கல் வாசங்கொண்டு

மாச்சலது நேராமல் மைந்தாகேண்மோ

பாச்சலெனும் சட்டமுனி மகிமைதன்னை

மானிலத்தில் கோடிவரை சமாதிபூண்டார்

பரிவாக போகரேழா யிரத்திற்காணே.

அகத்தியர் பாடல்

பிணியா வதுவே தீவினைதான்

பிரியா துடலிற் பிறவியதாஞ்

சனியா வதுவுஞ் சடமதனில்

தனக்குத் தானாய்ச் சஞ்சலங்கள்

அனியா யமதா யவதரிக்கும்

அமுரியி னாலலை கடல்புக்கும்

பணியா வதுமே கார்மேகம்

பறக்கு மதுபோற் பாரீரே.

புலஸ்தியர் பாடல்

ஆச்சப்பா கும்பகமுந் தீர்ந்த பின்பு

அரகரா சுழிவாசி நிலையில் நிற்கும்

பேச்சப்பா ஒன்று மில்லை வாசியோகம்

பெருமையுற்ற சிவராஜ யோகமாகும்

போச்சப்பா மற்றமற்ற யோகமெல்லாம்

பொய்யாச்சு தென்பதல்ல சிறந்த தில்லை

காச்சப்பா நடுவாசி யுண்ணாவ் மேலே

காட்டினேன் சிவராஜ யோகங் காணே

அகத்தியர் பாடல்

மாயம லிருக்கவென்றால் மதிப்பால் வேணும்

மற்றமற்ற முறைகளெல்லாம் மறுவுண்டாகும்

ஆயாமல் வேதாந்த நூல்கள் தன்னை

அறிந்துணர்ந்து பிரமசுழி யேறுயேறு

காயான கற்பங்க ளனந்தங்கோடி

கட்டினார் நூல்தோறுங் கரையோயில்லை

வாயாலே வாய்ச்சமர்த்துப் பேசுமாந்தர்

வருவதும் போவதுவும் வகைகாணாரே

அகத்தியர் பாடல்