Í podcast þættinum segir hún Guðrún okkur frá erfiðari æsku sinni og hvernig það var að alast upp sem barn alkahólista. Hún segir okkur frá því hvernig lífsreynsla hennar hefur aukið getu hennar til að setja sig í spor ungmenna sem eru farin að sýna áhættuhegðun. Hún er sérfræðingur í málefnum ungmenna og segir okkur frá þeirri þróun sem hún hefur orðið var við! Endilega ef þér líkar þátturinn ekki gleyma að deila honum og setja like á hann! 

Í þáttinn kom til okkar hún Inda Björk sem segir okkur frá því hvernig það er að vera margfaldur aðstandandi og lýsir hvernig meðvirkni hefur heltekið hana á köflum. Inda er ótrúlega hugrökk í tjáningu sinni og segir okkur frá erfiðum tilfinningum sem hún upplifði á meðan sonur hennar þjáðist að völdum fíknisjúkdóms. 

Birgir segir okkur frá lífshlaupi sínu. Hann talar um að alveg frá upphafi hafi hann verið til vandræða. Hann segir okkur frá djamminu og ítrekuðum meðferðum, hann talar um hlutina af miklum heiðarleika og segir okkur frá uppbyggingunni og sjálfsvinnunni sem hann hefur verið að vinna síðan hann varð edrú! Hann opnar sig um að hafa leitað til Bjarkahlíðar og síðar Drekaslóðar og segir að það eigi ekki að vera tabú að menn/strákar lendi í líka í áföllum. Munið að like'a og deila þættinum ef ykkur líkar hann ❤️

Í þættinum ræða Hlynur og Tinna um Only-Fans. Only-Fans er eldfimt umræðuefni og mikið rætt þessa dagana. Við ákváðum að ræða málin út frá öðrum sjónarhornum en hafa verið tekin hingað til.

Viðmælandi þáttarins er Svala Jóhannesdóttir sérfræðingur í skaðaminnkun.

Svala hefur starfað með heimilislausu fólki í Reykjavík og einstaklingum sem glíma við þungan vímuefnavanda í 14 ár. Hún hefur m.a. stýrt tveimur skaðaminnkunarúrræðum, Frú Ragnheiði á höfuðborgarsvæðinu og Konukoti athvarfi fyrir heimilislausar konur. Svala hefur heimsótt fjölmörg skaðaminnkandi úrræði erlendis og innleitt skaðaminnkandi inngrip hér á landi. Svala er menntuð í félagsfræði og fjölskyldumeðferðarfræði. Hún starfar í dag sjálfstætt við að veita fólki skaðaminnkandi meðferð, aðstandendum fjölskyldumeðferð og heldur námskeið og fræðslur.

Hægt er að hafa sambandi við Svölu á [email protected]. 

Guðmundur segir okkur frá stöðunni í fangelsum Íslands, neyslunni, áhrif stefnubreytinga á neyslumynstur í fangelsum, allskyns ótrúlega staðreyndir um erlenda dómþola og hvernig afplánun þeirra er styttri. VIð tölum líka við Guðmund um hans persónulegu reynslu og hvaða úrræði hann myndi vilja sjá ef hann hefði völd dómsmálaráðherrra. Við spurðum hann allskonar spurningum enda ekki oft sem maður hittir menn með eins víðamikla þekkingu á fangelsismálum landsins. 

Dagbjört Rúriks sem fer undir listamannanafninu Día spjallaði við okkur um vegferð sína í þessu lífi. Hún er sannkallaður sólargeisli og lýsti upp stúdíoið okkar með nærveru sinni. Það er mikið hlegið í þessum þætti. Njótið vel! 

Fitness kongurinn sem hefur aldrei prófað stera segir okkur aðeins um edrúmennskuna sína, hvað hann gerði til að vera edrú og hvað hann hefur lært á leiðinni í þessu 14 ára ferðalagi sínu! 

Í þættinum fer Hlynur djúpt í að kryfja andlega meinið sem hann upplifði sig þurfa að deyfa. Hann leiðir okkur í gegnum lífshlaupið sitt og hvað hann hefur gert til þess að ná á þann stað sem hann er á í dag. Við endilega láttu okkur vita ef þú veist um einhvern sem vill leiða podcast þátt með okkur! Berum út boðskapinn því það er von!