Þjóðmál

Það eru rúmlega 20 þúsund manns á atvinnuleysisskrá, tekjur ríkisins eru um 60% af útgjöldum og skuldir ríkisins hækka verulega og við vitum ekki hvenær hagkerfið tekur við sér. Ásdís Kristjánsdóttir, aðstoðarframkvæmdastjóri Samtaka atvinnulífsins, og Jón Bjarki Bentsson, aðalhagfræðingur Íslandsbanka, ræða stöðuna í efnahagsmálum og útlitið framundan, það hvort að aðgerðir hins opinbera hafi gert gagn og hvort þær nýtist til lengri tíma, hvort að það sé rétt að 90% hagkerfisins sé í lagi eftir heimsfaraldur og fleira.

Katrín Atladóttir, borgarfulltrúi Sjálfstæðisflokksins í Reykjavík, ræðir um það hvernig það kom til að hún tók sæti á lista flokksins, hvernig það er að vera í minnihluta, pólitískar hugsjónir sínar, samgöngumál og ósætti milli ólíkra borgarhluta, hvernig það er að vera kölluð samfylkingarkona í eigin flokki og stöðu ungs fólks í stjórnmálum.

Hörður Ægisson, ritstjóri Markaðarins, og Stefán Einar Stefánsson, fréttastjóri viðskipta á Morgunblaðinu, ræða um bólusetningaklúðrið hér á landi, spurningar sem ekki má spyrja um aðgerðir stjórnvalda og loks um skringilega hegðun Samkeppniseftirlitsins gagnvart atvinnulífinu og háar greiðslur til óháða kunnáttumannsins.

Halldór Benjamín Þorbergsson, framkvæmdastjóri Samtaka atvinnulífsins (SA), er gestur í fyrsta þætti Þjóðmála hlaðvarps. Í þættinum ræðir Halldór um hlutverk SA í samfélaginu, hagsmunagæslu gagnvart stjórnvöldum, mikilvægi þess að styðja við frjálst markaðshagkerfi, samkeppnishæfni Íslands og margt fleira.