ÞÚ skiptir máli - hlaðvarp

Í þáttunum FYRIRMYNDIR í tali og tónum fáum við til liðs við okkur tónlistarfólk, gesti sem spjalla við okkur og svara nokkrum spurningum m.a um jákvæðni, vináttu, sjálfsmynd o.fl. segja okkur sögur af sér og spila og/eða syngja sín uppáhaldslög. Gestur : Rebekka Sif

www.tonasmidjan.is

Verið velkomin/nn í þáttinn "Við erum einstök"

Við erum einstök - eru þættir í umsjón Ingibjargar R. Þengilsdòttur andlegs ráðgjafa. Í þessum þáttum hennar segir hún okkur sína sögu í stöðugri leit að sjálfri sér í gegnum lífið. - „Hvað er mannhelgi og hvaða máli skiptir hún fyrir okkur ? Í þessum þætti segir hún Ingibjörg okkur allt um það, segir okkur sögu úr sínu lífi og tengir þá sögu við mannhelgi sína"

þáttastjórnandi : Ingibjörg R. Þengilsdóttir

www.thuskiptirmali.is

Verið velkomin/nn í Verkfærakassann

Í þessum 22. þætti Verkfærakassans liggur leið okkar upp í Kjós þar sem Hrabbý hittir fyrir viðmælanda þáttarins, Heimi Loga. Heimir hefur um árabil boðið upp á svitahof eða sweat en einmitt þar lágu leiðir hans og Hrabbýjar saman fyrir um 10 árum síðan.

Yfir tebolla ræða þau um lífið og tilveruna og Heimir deilir með okkur lífshlaupi sínu, erfiðleikum æskuáranna, 20 árum af harðri fíkniefnaneyslu, uppgjöfinni sem leiddi til bata og nýja manninum sem hefur verið í sífelldri mótun í gegnum bráðum 26 ára edrúmennsku og sjálfsvinnu. Lífsviðhorf Heimis Loga er til eftirbreytni og þar er leiðarstefnið mikilvægi þess að taka ábyrgð á eigin lífi, hlusta á æðri leiðsögn og umfram allt, elska sjálfan sig og aðra.

Njótið! <3

þáttastjórnandi : Hrafnhildur Ýr Víglundsdóttir

Velkomin/nn í Æðruleysið

Í þáttunum fjallar hún Þórdís Jóna markþjálfi um hin ýmsu málefni og bendir á leiðir til bætts lífs.

Í þessum þriðja þætti höldum við áfram að forvitnast um markþjálfun og mikilvægi hennar að mati þáttastjórnanda. Þórdís Jóna fær til sín frábæra gesti, systurnar Hörpu Rós og Rebekku Gísladætur. þær eru nýútskrifaðir markþjálfar og með mikla sýn og drauma um framhaldið. Í spjalli þáttarins er farið yfir mikilvægi þess að þekkja sjálfan sig og drauma.

Markmið okkar með þáttunum er að halda á lofti því að við erum öll mannleg, gerum mistök, lærum og vöxum eins lengi og við höfum aldur til.

Leiðarljós þáttarins eru : Styrkur - Fræðsla – Skemmtun

þáttastjórnandi : Þórdís Jóna Jakobsdóttir

http://www.thuskiptirmali.is

Verið velkomin/nn í þáttinn Hjartans mál þar sem mál hjartans fá rými og rödd, þar sem mikilvægi andlegrar heilsu er okkur hjartans mál.

Í hverjum þætti munum við fræðast um andlega líðan, hugvekjur hjarta og huga og finna leiðir til sátta við okkur sjálf, auk jafnvægis í sál og líkama.

Í þættinum í dag fær grein Heiðu Ósk rödd. Heiða er fíkni og forvarnaráðgjafi, auk þess að vera NLP markþjálfi. Hennar sérsvið eru fíkn, bati, fjölskyldumál og persónuleg markþjálfun. Grein dagsins fjallar um hraða dagslegs líf og hversu mikilvægt það er að hægja á sér og njóta að vera þátttakandi í eigin lífi. - Við þökkum Heiðu Ósk hjartanlega fyrir.       

þáttastjórnandi : Íris Hólm Jónsdóttir

Upphafs- og lokastef: Ágúst Þór Benediktsson

Verið velkomin/nn í Verkfærakassann

Í þessum 21. þætti Verkfærakassans er viðmælandi Hrabbýjar hún Nína Wolf Feather Björg. Umræðuefnið er lífið sjálft og stundum ævintýralegt ferðalag Nínu í leit að sjálfri sér. Í þessu einlæga spjalli ræðir Nína m.a. um það hvernig er að alast upp sem næmt barn í umhverfi sem ekki skilur mann auk þess sem hún talar á opinskáan hátt um ævilanga glímu sína við kvíða og meðvirkni. Hæfileiki Nínu til að sjá spaugilegu hliðarnar á lífinu og smitandi hlátrasköll hennar lita viðtalið og sýna okkur í verki hvernig má alltaf sjá ljós við enda ganganna. Nína er svo sannarlega stormsveipur sem margt má læra af. Þó ekki sé nema óbilandi hugrekki hennar og staðfesta í að læra að elska sjálfa sig og gefast aldrei upp. Þar getum við líklegast öll svo sannarlega tekið hana til fyrirmyndar.

Njótið!

þáttastjórnandi : Hrafnhildur Ýr Víglundsdóttir

www.thuskiptirmali.is/

Í þáttunum FYRIRMYNDIR í tali og tónum fáum við til liðs við okkur tónlistarfólk, gesti sem spjalla við okkur og svara nokkrum spurningum m.a um jákvæðni, vináttu, sjálfsmynd o.fl. segja okkur sögur af sér og spila og/eða syngja sín uppáhaldslög. Gestur : Jónína Björg

www.tonasmidjan.is

Velkomin/nn í Æðruleysið

Í þáttunum fjallar hún Þórdís Jóna markþjálfi um hin ýmsu málefni og bendir á leiðir til bætts lífs.

Í þessum öðrum þætti fær hún til sín góðan gest og mikla fyrirmynd hana Ástu Guðrúnu Guðbrandsdóttur markþjálfa. Í spjalli þeirra fara þær yfir víðan völl í málefnum sem snýr að markþjálfun og þeirra ástríðu sem þær deila varðandi fjölskylduna og að þekkja sjálfan sig.

Markmið okkar með þáttunum er að halda á lofti því að við erum öll mannleg, gerum mistök, lærum og vöxum eins lengi og við höfum aldur til.

Leiðarljós þáttarins eru : Styrkur - Fræðsla – Skemmtun

þáttastjórnandi : Þórdís Jóna Jakobsdóttir

www.thuskiptirmali.is

Verið velkomin/nn í þáttinn Hjartans mál þar sem mál hjartans fá rými og rödd og þar sem mikilvægi andlegrar heilsu er okkur hjartans mál.

Í hverjum þætti munum við fræðast um andlega líðan, hugvekjur hjarta og huga og finna leiðir til sátta við okkur sjálf, auk jafnvægis í sál og líkama.

Í þessum fyrsta þætti fær grein Önnu Lóu Ólafsdóttur „Geturðu lánað mér“ rödd, en Anna Lóa er menntaður náms- og starfsráðgjafi, markþjálfi og jafnframt stofnandi Hamingjuhornsins sem hægt er að finna á Facebook. - Við færum Önnu Lóu okkar bestu þakkir fyrir.

þáttastjórnandi : Íris Hólm Jónsdóttir

Upphafs- og lokastef: Ágúst Þór Benediktsson

http://www.thuskiptirmali.is

Verið velkomin/nn í Verkfærakassann

Í þessum 20. Þætti Verkfærakassans ræðir Hrabbý við Stefaníu Ólafsdóttur frá Lótushúsi og Heillastjörnu.is. Stefanía kynntist sjálf hugleiðslu fyrir nær 2 áratugum og kennir nú í Lótushúsi ásamt því að halda hugleiðsluvefnum Heillastjarna.is þar sem nálgast má fjölbreyttar hugleiðslur fyrir börn og unglinga. Stefanía segir okkur frá sínu persónulega ferðalagi þar sem hún lærði að takast á við fullkomnunaráráttu, kvíða og streitu og kynntist um leið sjálfri sér upp á nýtt. 

Fræðandi og áhugavert viðtal við sannan brautryðjanda!

Þáttastjórnandi Hrafnhildur Ýr Víglundsdóttir

www.thuskiptirmali.is