នៅក្នុង​ពិធី​អបអរ​ខួប៣០​ឆ្នាំ​នៃ​ថ្ងៃ​បង្កើតកងពលតូច​លេខ៧០ ​កាលពី​ថ្ងៃទី១៥​ ខែតុលា ​ឆ្នាំ​២០២៤ លោក​នាយករដ្ឋមន្ត្រី ​ហ៊ុន ម៉ាណែត ​បានលើកឡើង​ពីការ​ចុះហត្ថលេខា​លុបចោល​សំណើ​សុំកាត់​ឆ្វៀលដី​ចំនួន២​ឯកសារ ​ដែលមាន​ភាពមិនប្រក្រតី​។ ​អ្នកតាមដាន​សង្គម​នានា​បានបង្ហាញ​ពីការ​គាំទ្រ​លើ​ចំណាត់ការ​របស់ប្រមុខ​រដ្ឋាភិបាល និង​បានស្នើឲ្យ​មានការ​ពិនិត្យមើល​ឡើងវិញ​ ព្រមទាំង​ដាក់ទោស​ទណ្ឌ​ដល់បុគ្គល​ទាំងឡាយណា​ដែលបាន​ប្រព្រឹត្ត​នូវភាព​មិនប្រក្រតី​ដូចនេះ ​គិត​ចាប់តាំងពី​ពេលកន្លងមក ​និង​ក្នុងពេល​បច្ចុប្បន្ន​។