នៅអាមេរិក លោកប្រធានាធិបតី ចូ បៃដិន​ព្យាយាម​និយាយ​ធានា​ពីភាពរឹងមាំ​របស់​ប្រព័ន្ធធនាគារអាមេរិក នៅក្រោយ ធនាគារចំនួន​៣ របស់អាមេរិក ដួលរលំ​បន្តបន្ទាប់គ្នា កាលពីប៉ុន្មានថ្ងៃមុននេះ។ ការដួលរលំ​ធនាគារ ឈ្មោះ SVB (Silicon Valley Bank) ​ដែល​ជា​ធនាគារ​ដ៏ធំមួយ នៅ​អាមេរិក កាលពីថ្ងៃ​សុក្រ សប្តាហ៍មុន បាន​ធ្វើ​ឲ្យ​អាជ្ញាធរ​អាមេរិក​សម្រេចចិត្ត​បិទធនាគា និង​យកទ្រព្យ​របស់ធនាគារ​មកដាក់ក្រោមការចាត់ចែង​បណ្តោះអាសន្ន ដើម្បី​ស្តារទំនុកចិត្ត និង​ដើម្បីរំងាប់ក្តីបារម្ភ​របស់សាធារណជន។ នៅថ្ងៃ​ចន្ទទី ១៣ មីនា លោកចូ បៃដិន​បាន​ប្រកាស​ចេញមុខ​ធានា​លើលុយតម្កល់របស់អតិថិជនធនាគារ។ ប៉ុន្តែ ទោះមានការចេញមុខធានា​ពីប្រធានាធិបតីអាមេរិក ទីផ្សារ​ហិរញ្ញវត្ថុអន្តរជាតិ​នៅតែ​បន្តរំជើបរំជួល​ដោយសារ​ការដួលរំលំធនាគារSVB ដែលអាច​បង្កើតជា​ក្តីបារម្ភ ពីវិបត្តិឆ្លងរាលដាលតគ្នា។ តើ​វិបត្តិធនាគារ​អាមេរិកលើកនេះ នឹង​អាច​ ឆ្លងរាលដាល​ទៅកន្លែងផ្សេង ឬ​ឆ្លងរីកមុក ក្លាយជា​ទៅជា​វិបត្តិធំ ដូចកាល​ពី​វិបត្តិ​ហិរញ្ញវត្ថុ​សកល កាល​ពី​ឆ្នាំ២០០៨​ដែរឬទេ?