លោកនាយករដ្ឋមន្ត្រី ហ៊ុន ម៉ាណែត បានថ្លែងក្នុងថ្ងៃទី២១ ខែឧសភាថា គុណភាពអប់រំកម្ពុជាខ្លាំង លុះត្រាតែរដ្ឋាភិបាលអាចទាក់ទាញគ្រូបង្រៀនមកសាលារដ្ឋឱ្យបានច្រើន។ ការលើកឡើងយ៉ាងដូច្នេះរបស់លោក ហ៊ុន ម៉ាណែតត្រូវបានអ្នកជំនាញផ្នែកសង្គម និងអប់រំខ្លះចាត់ទុកជារឿងមិនខុសឡើយ។ តែអ្នកជំនាញខ្លះទៀតយល់ថា ការទាក់ទាញគ្រូបង្រៀនមកសាលារដ្ឋច្រើនក៏នៅមិនទាន់គ្រប់គ្រាន់ដែរ ពោលរដ្ឋាភិបាល តាមរយៈក្រសួងអប់រំត្រូវផ្តោតលើការពង្រឹងសមត្ថភាព និងគុណភាពរបស់គ្រូបង្រៀនបន្ថែមទៀត។