នៅដើមឆ្នាំ២០២៥នេះ គ្រោះថ្នាក់ចរាចរណ៍សម្លាប់អ្នកដំណើរតាមដងផ្លូវ បានកើតឡើងស្ទើរតែរៀងរាល់ថ្ងៃ។ កាលពីថ្ងៃសុក្រទី១០មករាកន្លងទៅ មានករណីរថយន្តមួយគ្រឿងបានបើកបុកអ្នកដំណើរលើផ្លូវ៦០ម៉ែត្រ ដោយបណ្តាលឲ្យបុរសម្នាក់និងកូនតូច២នាក់បាត់បង់ជីវិត។ ម្ចាស់រថយន្តបើកបរក្នុងស្ថានភាពស្រវឹង ជាដើមហេតុធ្វើឲ្យកើតមានគ្រោះថ្នាក់ចរាចរណ៍។ អ្នកតាមដានសង្គមយល់ថា កម្ពុជាគួរបង្កើនទម្ងន់ទោសទណ្ឌបន្ថែមទៀតចំពោះអ្នកបើកបរទាំងឡាយណាដែលស្ថិតក្នុងស្ថានភាពស្រវឹង ហើយបើកបុកមនុស្សស្លាប់។