នៅ​ថ្ងៃ​ទី​៩ ខែ​ធ្នូ​នេះ អង្គ​ការ លីកាដូ និង​អ្នក​ឃ្លាំ​មើល​សាជី​វ​កម្ម​កូរ៉េ​អន្តរ​ជាតិ​ (KTNC Watch) ​បាន​ដាក់​ពាក្យ​បណ្តឹង​ទៅ​កាន់​ក្រុម​ការ​ងារ​នៃ​អង្គ​ការ​សហ​ប្រជា​ជាតិ ផ្នែក​ធុរ​កិច្ច និង​សិទ្ធិ​មនុស្ស និង​ទៅ​កាន់​អ្នក​រាយ​ការណ៍​ពិសេស​នៃ​អង្គ​ការ​សហ​ប្រជា​ជាតិ​ចំនួន​៤​រូប​ផ្សេង​ទៀត​ ដោយ​លើក​ឡើង​អំពី​ការ​អនុ​វត្ត​កម្ចី​បែប​កេង​ប្រវ័ញ្ច និង​ការ​រំលោភ​សិទ្ធិ​មនុស្ស​ធ្ងន់​ធ្ងរ​នៅ​ក្នុង​វិស័យ​មីក្រូ​ហិរញ្ញ​វត្ថុ​មួយ​ចំនួន​នៅ​កម្ពុជា​។​ ពាក្យ​បណ្តឹង​នេះ ទាក់​ទង​នឹង​សកម្ម​ភាព​ របស់​គ្រឹះ​ស្ថាន​ហិរញ្ញ​វត្ថុ រួម​មាន​ KB Financial Group ធនាគារ​អភិវឌ្ឍន៍​រដ្ឋ​ហូ​ឡង់ FMO ​ធនាគារ​ LOLC​ និង​អ្នក​វិនិយោគ​រដ្ឋ និង​ឯក​ជន​ផ្សេង​ទៀត​។​ ហេតុ​អ្វី​បាន​ជា​ការ​ផ្តល់​កម្ចី​មួយ​ចំនួន​នៅ​កម្ពុជា​ត្រូវ​បាន​រក​ឃើញ​ថា ​មាន​ការ​កេង​ប្រវ័ញ្ច និង​រំលោភ​សិទ្ធិ​មនុស្ស​ធ្ងន់​ធ្ងរ​?​