នៅក្នុងពិធី​ប្រគល់សញ្ញាបត្រ​ដល់សិស្ស​មេធាវីនា​ព្រឹកថ្ងៃទី០៥​ ខែកញ្ញា ឆ្នាំ២០២៤ ​នេះ លោកនាយករដ្ឋមន្ត្រី ហ៊ុន ម៉ាណែត ​បានលើកឡើងជាថ្មីថា ​រដ្ឋាភិបាលត្រូវធ្វើជា​បន្ទាន់នូវការអភិវឌ្ឍន៍ ​និងការធានាមិនឲ្យ​បាត់បង់អធិបតេយ្យភាព ​និងទឹកដី​ទៅអនាគត។ ​ការអនុវត្តន៍គោលដៅធំ​ ដែលប្រជាពលរដ្ឋចង់បាន​ដូចបានលើកឡើង​ខាងលើត្រូវបាន​លោក ហ៊ុន ម៉ាណែត ​យល់ថា ​វាប្រសើរជាង​ការ​យកចាញ់យកឈ្នះ​គ្នា​ជុំវិញការដក ​ឬ​មិនដក​ខ្លួន​ពីកិច្ចសហប្រតិបត្តិការ​តំបន់ត្រីកោណ​អភិវឌ្ឍន៍ CLV។ ​ការបញ្ជាក់របស់នាយករដ្ឋមន្ត្រី​ដូច្នេះត្រូវបាន​អ្នកវិភាគសង្គម និង​នយោបាយ​បន្តមើលឃើញផ្សេងគ្នា​ដោយមានមតិគាំទ្រ និង​មតិព្រួយបារម្ភ​៕