នៅ​ថ្ងៃ​ទី​១៦ ខែ​ធ្នូ ​ឆ្នាំ ​២០២៤ រដ្ឋា​ភិបាល​កម្ពុជា បាន​សម្ពោធ​ដាក់​ឱ្យ​ដំណើរ​ការ​«ថ្នាល​ឌីជីថល​ចុះ​បញ្ជី​អ្នក​សេដ្ឋ​កិច្ច​ក្រៅ​ប្រព័ន្ធ»​។ ​បើ​តាម​ប្រមុខ​រដ្ឋាភិ​បាល​កម្ពុជា នេះ​ជា​ការ​យក​ចិត្ត​ទុក​ដាក់​របស់​រាជ​រដ្ឋាភិ​បាល​ក្នុង​ការ​គាំ​ទ្រ និង​ជួយ​សម្រួល ដល់​អ្នក​ប្រកប​មុខ​របរ​សេដ្ឋ​កិច្ច​ក្រៅ​ប្រព័ន្ធ ព្រម​ទាំង​បង្កើត​ឱកាស​ឱ្យ​ពួកគេ​ អភិវឌ្ឍ​អាជីវ​កម្ម និង​ពង្រីក​មុខ​របរ ឲ្យ​កាន់​តែ​ល្អ​ប្រសើរ​។ ​ចំពោះ​អ្នក​តំណាង​របស់​អ្នក​ប្រកប​របរ​សេដ្ឋ​កិច្ចក្រៅ​ប្រព័ន្ធ ការ​ចុះបញ្ជី​អ្នក​ប្រក​បរបរ​សេដ្ឋកិច្ច​ក្រៅ​ប្រព័ន្ធ ​បង្ក​ការ​ងាយ​ស្រួល​ដល់​រដ្ឋ​ដើម្បី​គ្រប់​គ្រង​ តែដោយ​សារ​ចំណេះ​ដឹង​នៅ​មាន​កម្រិត​ អ្នក​ប្រកប​របរ​សេដ្ឋកិច្ច​ក្រៅ​ប្រព័ន្ធ​អាច​នឹង​ពិបាក​ទៅ​ស្វែង​រក​ការ​ចុះបញ្ជី​ស្រប​ច្បាប់​។​