សារព័ត៌មានថៃ The Nation នៅថ្ងៃព្រហស្បតិ៍ទី២០កុម្ភៈ បានចុះផ្សាយព័ត៌មានស្តីពីភាពតានតឹងនៅឯប្រាសាទតាមាន់ធំ ដោយថា ភាគីនាយករដ្ឋមន្ត្រីកម្ពុជា លោក ហ៊ុន ម៉ាណែតបានទាក់ទងទៅរដ្ឋមន្ត្រីការពារជាតិថៃ លោក ភូមថាំ វីឆាយ៉ាឆៃ ដើម្បីនិយាយសុំទោស។ នៅក្នុងអត្ថបទចុះផ្សាយរបស់កាសែត បាងកកប៉ុស្តិ៍ លោក ភូមថាំ វីឆាយ៉ាឆៃ រដ្ឋមន្រ្តីការពារជាតិថៃបានបដិសេធ ច្រានចោលដោយថា ព័ត៌មានរបស់កាសែត The Nationជាព័ត៌មានមិនពិត។ អ្នកតាមដានសង្គម យល់ថា ការផ្សព្វផ្សាយព័ត៌មានខុសពីសំណាក់សារព័ត៌មានថៃ អាចនាំឲ្យបញ្ហាប្រឈមមុខដាក់គ្នារវាងកម្ពុជា-ថៃ នៅឯប្រាសាទតាមាន់ធំ កាន់តែតានតឹង។