នៅប៉ុន្មានថ្ងៃចុងក្រោយនេះ ប្រមុខដឹកនាំអតីតបក្សប្រឆាំង​ លោក សម រង្ស៊ី បានប្រកាសពីការបង្កើតចលនាជាតិខ្មែរតស៊ូ ដើម្បីតំណាងឆន្ទៈប្រជាពលរដ្ឋខ្មែរនៅលើឆាកអន្តរជាតិ។ លោកថា ចលលានេះ គឺជាការទាមទារលទ្ធិប្រជាធិបតេយ្យ និងរំដោះកម្ពុជាចេញពីកណ្តាប់ដៃរបស់គណបក្សកាន់អំណាច។ ក៏ប៉ុន្តែបក្សកាន់អំណាច ចាត់ទុកថា ចលនារបស់ លោក សម រង្ស៊ី គឺជាចេតនាផ្តួលរលំរដ្ឋាភិបាលស្របច្បាប់ និងថា ចលនានេះ មិនមានឥទ្ធិពលអ្វីលើស្ថានការណ៍នយោបាយនៅកម្ពុជាឡើយ។