នៅថ្ងៃទី១៨ ខែកញ្ញា ឆ្នាំ២០២៤នេះ លោក ប៉េង ពោធិ៍នា រដ្ឋមន្ដ្រីក្រសួងសាធារណការ និងដឹកជញ្ជូនបានឱ្យដឹងថា ក្រសួងនឹងជំរុញការប្រើប្រាស់យានយន្ដអគ្គិសនីឱ្យបាន ៤០% នៅត្រឹមឆ្នាំ២០៥០។ ចំពោះ លោកប៉េង ពោធិ៍នា កំណើននៃការប្រើប្រាស់យានយន្ដអគ្គិសនីនៅកម្ពុជានឹងអាចជំរុញសន្ទុះនៃការធ្វើពិពិធកម្មមូលដ្ឋានសេដ្ឋកិច្ច និងពង្រឹងសន្តិសុខថាមពលរបស់កម្ពុជា។ ចំណែកអ្នកជំនាញខាងសេដ្ឋកិច្ច និងអ្នកពាក់ព័ន្ធមួយចំនួនមិនបានមើលឃើញដូច្នោះឡើយ ដោយពួកគេបានលើកហេតុផលថា កម្ពុជាដែលជាប្រទេសក្រីក្រមិនទាន់មានទីផ្សារប្រើប្រាស់យានយន្តអគ្គិសនីទូលំទូលាយនៅឡើយទេ។