មកដល់ពេលនេះ គណបក្សកម្លាំងជាតិប្រមូលទឹកប្រាក់បានរាប់ពាន់ដុល្លារ ដើម្បីជួយសម្រាលបន្ទុកបណ្តឹងសំណងផ្លូវចិត្ត ដែលតុលាការសាលាដំបូងរាជធានីភ្នំពេញ បានបង្គាប់ឲ្យលោក រ៉ុង ឈុន និងសកម្មជនពីររូបទៀត សងថ្លៃខូចខាត ទៅឲ្យគណៈកម្មាធិការកិច្ចការព្រំដែន ក្នុងទំហំទឹកប្រាក់ ៤០០លានរៀល ឬស្មើនឹង១០ម៉ឺនដុល្លារ។ អ្នកវិភាគនយោបាយខ្លះយល់ថា វាជាសញ្ញាសំដែងសាមគ្គីភាពជួយលោក រ៉ុង ឈុន ឲ្យអាចមានលទ្ធភាពបង់ទឹកប្រាក់ជំងឺចិត្តដ៏ច្រើនសម្បើមនេះ។ តែអ្នកវិភាគខ្លះ ថា វាជាបន្ទុកផ្លូវច្បាប់កាន់តែធ្ងន់ដល់ លោក រ៉ុង ឈុន បើសិនតុលាការរកឃើញថា ថវិកាទាំងនោះមានចំណែកពីអ្នកនយោបាយនិរទេស នៅក្រៅប្រទេស។