សមាជិករដ្ឋសភាជប៉ុន លោក ណាអូតូ សាកាហ្គុជិ បានអះអាងនៅក្នុងកិច្ចប្រជុំរដ្ឋសភាជប៉ុនកាលពីថ្ងៃទី២១ឧសភាថា ខ្លួនបានរងការគំរាមកំហែងសិទ្ធិសេរីភាព ពីសំណាក់ឯកអគ្គរាជទូតកម្ពុជាប្រចាំប្រទេសជប៉ុន។ មកទល់ពេលនេះ នៅមិនទាន់មានការឆ្លើយតបជាផ្លូវការពីសំណាក់ស្ថានទូតកម្ពុជាប្រចាំប្រទេសជប៉ុន និងក្រសួងការបរទេសកម្ពុជានៅឡើយ។ ក៏ប៉ុន្តែមន្ត្រីបក្សកាន់អំណាច យល់ថា ការលើកឡើងរបស់សមាជិករដ្ឋសភាជប៉ុន គ្រាន់ជាសេរីភាពបញ្ចេញមតិ ខណៈដែលឯកអគ្គរាជទូតកម្ពុជាប្រចាំប្រទេសជប៉ុន ក៏មានសិទ្ធិការពារអធិបតេយ្យភាពកម្ពុជា។