កម្ពុជាបានយល់ស្របជាមួយគំនិតផ្តួចផ្តើមរបស់រដ្ឋាភិបាលថៃ ក្នុងការការសម្រួលការធ្វើដំណើរឆ្លងដែនរបស់ភ្ញៀវទេសចរក្នុងប្រទេសចំនួន៦ របស់តំបន់អាស៊ាន តាមរយៈគោលនយោបាយទិដ្ឋាការតែមួយ ហៅថា ៦ប្រទេសក្នុងទិសដៅតែមួយ។ ប្រទេសចូលរួមនៅក្នុងកម្មវិធីទេសចរណ៍៦ប្រទេស ក្នុងទិសដៅតែមួយដែលជាគំនិតផ្តួចផ្តើមរបស់រដ្ឋាភិបាលថៃនេះ មានប្រទេសកម្ពុជា វៀតណាម ឡាវ ភូមា និងប្រទេសម៉ាឡេស៊ី។ កម្មវត្ថុនៃគំនិតផ្តួចផ្តើមនេះ គឺដើម្បីផ្សព្វផ្សាយពីគោលដៅទេសចរណ៍របស់ប្រទេសជាសមាជិកអាស៊ានទាំង៦ប្រទេស ជាពិសេសជំរុញ និងលើកស្ទួយវិស័យទេសចរណ៍ឱ្យកាន់តែរីកចម្រើនជាងមុន។ អ្នកជំនាញក្នុងវិស័យទេសចរណ៍មើលឃើញពីប្រសិទ្ធភាពនៃការទាក់ទាញភ្ញៀវទេសចរឲ្យមកទស្សនាប្រទេសកម្ពុជា​តាមរយៈកម្មវិធីទិដ្ឋាការទេសចរណ៍មួយនេះ។