អ្នក​ជំនាញ អះ​អាង​ថា ការ​ធ្វើ​សមាធិ​ជា​រឿង​ចាំ​បាច់​សម្រាប់​ក្មេងៗ​នៅតាម​សាលារៀន​ ដើម្បី​ឲ្យពួកគេ​មាន​សតិ​អារម្មណ៍​ល្អ និង​រៀន​ពូកែ​។ បើ​តាម​អ្នក​ជំនាញ ការ​ធ្វើ​សមាធិ​ មិន​ត្រឹម​តែ​ជា​ទម្លាប់​តាម​សាសនា​ប៉ុណ្ណោះ ​តែ​ត្រូវ​បាន​ទទួល​ស្គាល់​ដោយ​ស្ថាប័ន​ស្រាវ​ជ្រាវ​អន្តរ​ជាតិ​ថា ការ​ធ្វើ​សមាធិ ពិត​ជា​ផ្តល់​អត្ថប្រ​យោជន៍​ច្រើន​​ដល់​សុខ​ភាព​ផ្លូវ​ចិត្ត​។​ ការ​បញ្ជាក់​នេះ​ធ្វើ​ឡើង បន្ទាប់​ពី លោក​បណ្ឌិត សុខ ទូច ប្រធាន​រាជ្យ​បណ្ឌិត​សភា​កម្ពុជា​ថ្លែង​ថា ​ក្មេងៗ និង​យុវជន​គួរ​តែ​ចំណាយ​ពេល​ខំ​ប្រឹង​ប្រែង​រៀន​សូត្រ​ជា​ជាង​នាំ​គ្នាទៅ​ធ្វើ​សមាធិ​រំងាប់​អារម្មណ៍​។​ សម្រាប់ លោកសុខ ទូច ការ​ធ្វើ​សមាធិ​សំខាន់​សម្រាប់​តែ​ក្មេង​ដើរ​ផ្លូវ​ខុស​ និង​ប្រើប្រាស់​គ្រឿងញៀន​ប៉ុណ្ណោះ​៕