របាយ​ការណ៍​ដែល​ផ្សព្វ​ផ្សាយ​នៅ​ក្នុង​សន្និ​បាត​ក្រសួង​សុខា​ភិបាល​នាថ្ងៃ​ទី​៣ ខែ​មីនា ​២០២៥ ​បាន​បង្ហាញ​ថា​ ការ​ពិនិត្យ​ជំងឺ​ផ្លូវ​ចិត្ត​នៅ​ឆ្នាំ​២០២៤ ​មាន​ចំនួន​ ២៨២.៦១៥ ​ករណី ​គឺ​កើន​ឡើង​ចំនួន​១៩៧.៨២%​ ខណៈ​អ្នក​ជំងឺ​សម្រាក​ព្យាបាល​នៅ​មន្ទីរ​ពេទ្យ​មាន​ចំនួន​ ៨.៧៩២នាក់ ​គឺ​កើន​ឡើង​ចំនួន​ ២៨.៥២%​ បើធៀប​នឹង​ឆ្នាំ​២០២៣​។​ អ្នក​ជំនាញ​សុខ​ភាព​ លើក​ឡើង​ថា​ វិបត្តិ​សេដ្ឋកិច្ច​ វិបត្តិ​គ្រួសារ ​សម្ពាធ​ការ​ងារ​ និងការ​ប្រកួត​ប្រជែង​ផ្នែក​សម្ភារៈ​និយម សុទ្ធ​សឹង​ជា​កត្តា​ដែល​នាំ​ឲ្យ​កើត​ជំងឺ​ផ្លូវ​ចិត្ត​។​ តើ​នឹង​មាន​ផល​ប៉ះ​ពាល់​អ្វីខ្លះ​ដល់​សង្គម​កម្ពុជា​នៅពេល​ដែល​ជំងឺ​ផ្លូវ​ចិត្ត​កើន​ឡើង​?