ទីភ្នាក់ងារសារព័ត៌មាន Reuters ចេញផ្សាយក្នុងថ្ងៃចន្ទ ទី៣ ខែកុម្ភៈ ឆ្នាំ២០២៥ បានឲ្យដឹងថា រដ្ឋបាលអាមេរិករបស់លោកប្រធានាធិបតី ដូណាល់ ត្រាំ កំពុងធ្វើការដើម្បីបិទទីភ្នាក់ងារសហរដ្ឋអាមេរិកសម្រាប់កិច្ចអភិវឌ្ឍន៍អន្តរជាតិ (USAID)។ តែរដ្ឋបាលអាមេរិកនៅមិនទាន់បានប្រកាសពីការបិទ USAID ជាផ្លូវការនៅពេលណាទេ។ ទោះជាយ៉ាងណា មានប្រទេស និងអង្គការសង្គមស៊ីវិលជាច្រើនក្នុងលោកនឹងអាចរងផលប៉ះពាល់ពីការបិទ USAID ក្នុងនោះក៏មានកម្ពុជាដែលបានទទួលជំនួយពី USAID យ៉ាងច្រើនចាប់តាំងពីទសវត្សឆ្នាំ៩០។ តើផែនការអភិវឌ្ឍន៍ និងផែនការចាកចេញពីប្រទេសក្រីក្ររបស់កម្ពុជានឹងរងផលប៉ះពាល់ទេនៅប៉ុន្មានឆ្នាំខាងមុខប្រសិនបើគ្មានជំនួយពី USAID?