ថ្មីៗនេះ លោកនាយករដ្ឋមន្រ្តីកម្ពុជាហ៊ុន ម៉ាណែតបានលើកឡើងពីការបន្ដអនុគ្រោះពន្ធលើវិស័យអប់រំដើម្បីជួយសម្រួលបន្ទុកចំណាយដល់សាកលវិទ្យាល័យ សាលារៀន ឪពុកម្តាយ អាណាព្យាបាល និងសិស្សានុសិស្ស។ ក្រោយការលើកឡើងរបស់លោកហ៊ុន ម៉ាណែត សមាគមគ្រឹះស្ថានឧត្តមសិក្សាកម្ពុជា និងសហព័ន្ធសេវាអប់រំនៃកម្ពុជាក៏បានឯកភាពមិនដំឡើងថ្លៃសិក្សាសម្រាប់ឆ្នាំ២០២៤-២០២៥។ តែទោះមានការអនុគ្រោះពន្ធក្នុងវិស័យអប់រំ និងការមិនដំឡើងថ្លៃសិក្សានៅតាមសាកលវិទ្យាល័យរដ្ឋ និងឯកជនក៏ដោយក៏អ្នកតាមដានសង្គម និងអ្នកជំនាញក្នុងវិស័យអប់រំយល់ថា រដ្ឋាភិបាលកម្ពុជាគួរគិតគូរបន្ថែមក្នុងការផ្តល់ជាអាហារូបករណ៍ដល់សិស្សានុសិស្ស។ តើរដ្ឋាភិបាលគួរគិតគូរពីការផ្តល់អាហារូបករណ៍ដល់និស្សិតនៅថ្នាក់ឧត្តមសិក្សាដែរឬទេ?។