រដ្ឋ​មន្ត្រី​ក្រសួង​ពាណិជ្ជ​កម្ម​ធ្លាប់​លើក​ឡើង កាល​ពី​ថ្ងៃ​ទី​១៤ ខែ​តុលា ឆ្នាំ​២០២៤​ថា កម្ពុជា​នឹង​ចាក​ចេញ​ពី​ក្រុម​ប្រទេស​អភិវឌ្ឍន៍​តិច​តួច​នៅ​ឆ្នាំ​២០២៩ ហើយ​ថា ការ​ចាក​ចេញ​នេះ​នឹង​ធ្វើ​ឱ្យកម្ពុជា​ប្រឈម​នឹង​ផល​ប៉ះពាល់​អវិជ្ជមាន​ជា​ច្រើន ដូចជា ការ​បាត់​បង់​ភាព​អនុគ្រោះ​ពន្ធ​គយ និង​ការ​ប្រកួត​ប្រជែង​កាន់​តែ​ខ្លាំង​ជាង​មុន នៃ​ទំនិញ​របស់​កម្ពុជា​នៅ​លើ​ទីផ្សារ​អន្តរ​ជាតិ​។​ ដូច្នេះ​ប្រសិន​បើ សហភាព​អឺរ៉ុប​កាត់​ផ្តាច់​ប្រព័ន្ធ​អនុ​គ្រោះ​ពន្ធ​ EBA ទាំង​ស្រុង នៅ​ពេល​ខាង​មុខ ដូច​អ្វី​ដែល​សភា​អឺរ៉ុប​បាន​ស្នើឡើង​នៅ​ថ្ងៃទី​២៨ ខែ​វិច្ឆិកា ឆ្នាំ​២០២៤ តើ​សេដ្ឋកិច្ច​របស់​កម្ពុជា​នឹង​មាន​ការ​ប្រែប្រួល​យ៉ាង​ណា?​