ប្រមុខ​រដ្ឋា​ភិបាល​កម្ពុជា លោក​ ហ៊ុន ម៉ាណែត ​បាន​ប្រកាស​ នៅ​ថ្ងៃ​ទី​១២ ខែ​មេសា ឆ្នាំ​២០២៥ ថា​ លោកមិន​អាច​រត់​ចោល​បញ្ហា​ប្រឈម​របស់​កម្ពុជា​ដោយ​សារ​តែ​សង្គ្រាម​ពាណិជ្ជ​កម្ម​រវាង​អាមេ​រិក និង​ចិន​នៅ​ពេល​នេះ​ទេ​។​ ការ​បញ្ជាក់​ជំហរ​បែប​នេះ​របស់​លោក ហ៊ុន ម៉ាណែត គឺ​ស្រប​ពេល​ដែល​អាមេរិក​ដំឡើង​ពន្ធ​លើទំ​និញ​ចិន​រហូត​ដល់​ទៅ ១៤៥% ​បន្ទាប់ពី​ចិន​បាន​ដំឡើង​ពន្ធ​សង​សឹក​អាមេរិក​វិញ​ចំនួន ​១២៥%។ ​ដោយឡែក ប្រទេស​ប្រមាណ ៧០​ទៀត ក្នុង​នោះមាន​កម្ពុជា​មួយ​ផង​ត្រូវ​បាន​អាមេរិក​ទម្លាក់​ពន្ធ​មក​នៅ ​១០%ស្មើៗ​គ្នា និង​ទុក​ពេល​ឲ្យ​ចរចា​ក្នុង​រយៈ​ពេល​ ៩០​ថ្ងៃ។​ តើ​សង្គ្រាម​ពាណិជ្ជ​កម្ម​រវាង​អាមេ​រិក និង​ចិន​ពេលនេះ​អាច​បង្ក​ផល​ប៉ះ​ពាល់​អ្វី​ខ្លះ​ដល់​កម្ពុជា​?