កម្ពុជាបានបញ្ជូនអត្តពលិករបស់ខ្លួនចំនួន៣នាក់ ក្នុងនោះមានកីឡាការិនី ១នាក់ និងកីឡាករ២នាក់ទៅចូលរួមព្រឹត្តិការណ៍កីឡាអូឡាំពិកឆ្នាំ២០២៤ នៅទីក្រុងប៉ារីស ប្រទេសបារាំង។ អ្វីជាការកត់សម្គាល់ កម្ពុជាមិនមានកីឡាករ ឬកីឡាការិនីណាម្នាក់ដែលមានកំរិតសមត្ថភាពចូលរួមប្រកួតនៅក្នុងវគ្គជម្រុះឡើយ។ ផ្ទុយទៅវិញ ការចូលរួមរបស់អត្តពលិកកម្ពុជាទាំង ៣នាក់លើវិញ្ញាសារហែលទឹក និងអត្តពលកម្មធ្វើឡើងក្រោមលក្ខខណ្ឌអនុគ្រោះដោយសារកម្ពុជាជាសមាជិកគណៈកម្មការធិការកីឡាអូឡាំពិកអន្តរជាតិ។ ក្នុងន័យនេះត្រូវបានអ្នកតាមដានផ្នែកកីឡាខ្មែរនានាបង្ហាញទស្សនៈមួយចំនួនថា តើគួរធ្វើយ៉ាងណាទើបអត្តពលិកកម្ពុជាមានសមត្ថភាពអាចចូលរួមប្រកួតកីឡាអូឡាំពិកបានដោយគ្មានភាពអនុគ្រោះ?