សម្ភារៈ​បរិក្ខាពេទ្យ​សម្រាប់​ធ្វើ​តេស្ត និងព្យាបាល​កូវីដ១៩​នៅ​កម្ពុជា​បាន​ហក់​ឡើង​ថ្លៃ ​មួយ​ជិត​ទ្វេ​ជា​ពីរ​ ខណៈ​ដែល​ពលរដ្ឋ​មាន​តម្រូវ​ការ​ច្រើន ​នៅ​គ្រា​ដែល​ជំងឺ«អូមីក្រុង​»​កំពុង​ឆ្លង​រាល​ដាល​។ លោក​វេជ្ជ​បណ្ឌិត អ៊ួច ​វុទ្ធី ​ប្រធាន​សមាគម​គ្រូ​ពេទ្យ​គុណធម៌​កម្ពុជា ​កត់​សំគាល់​ថា ​នេះ​ជា​ឱកាស​របស់​អ្នក​​រក​ស៊ី​ទុច្ចរិក​មួយចំនួន​ដែល​ឆក់​ឱកាស​យក​មាន​បាន​តែ​ក្រុម​ខ្លួន​ដោយ​មិន​គិត​ពី​ទុក្ខ​លំបាក​របស់​អ្នក​ដទៃ​។​ នៅ​ចំពោះ​មុខនេះ ​លោក​វេជ្ជ​បណ្ឌិត​អំពាវ​នាវ​កុំ​ឲ្យ​ពលរដ្ឋ​ឆាប់​ជឿ​ទៅ​តាម​ការ​បំភ័យ​របស់​ក្រុម​មួយចំនួន ហើយ​សម្រុក​ទៅទិញ​ នាំ​ឲ្យ​សម្ភារៈ​កូវីដ​១៩​ឡើង​ថ្លៃ​ខ្ពស់​។