មន្ទីរ​ពេទ្យ​ជាតិ​តេជោ​សន្តិភាព​បាន​ត្រៀម​គ្រែ​ពេទ្យ​ជាង​១​ពាន់​កន្លែង​សម្រាប់​ទទួល​អ្នក​ជំងឺ​ឆ្លង​ គ្រា​ដែល​កូវីដ​១៩​ប្រភេទ​JN.1​បាន​កម្រើក​ឡើង​វិញ​នា​ប៉ុន្មាន​សប្តាហ៍​កន្លងមកនេះ​។​ ក្នុង​បទ​សម្ភាស​ជាមួយ​វិទ្យុ​បារាំង​អន្តរ​ជាតិ​RFI ​នៅថ្ងៃ​ទី​៣១ ខែ​ឧសភា​នេះ ​លោក​វេជ្ជ​បណ្ឌិត ណូ សុភា នាយក​រង​មន្ទីរ​ពេទ្យ​ជាតិ​តេជោ​សន្តិភាព ថ្លែង​ថា​ ត្បិត​នៅ​ប្រទេស​ជិត​ខាង​មាន​ការ​ផ្ទុះ​ខ្លាំង​ជំងឺ​កូវីដ​១៩​ប្រភេទ​JN.1  ​សម្រប់​កម្ពុជា ​លោក​ថា ​មិន​គួរ​ភ័យ​ព្រួយ​បារម្ភ​ខ្លាំង​ពេក​នោះ​ទេ​។​ តែ​លោកបាន​ពន្យល់​ថា​ ការ​ទៅ​ចាក់​វ៉ាក់​សាំង​នៅ​តែ​ជា​រឿង​សំ​ខាន់​៕