ដំណើរ​ទស្សនកិច្ច​របស់​លោកនាយករដ្ឋមន្ត្រី​ ហ៊ុន សែន​ កាល​ពីថ្ងៃទី​ ៧​ និង​ទី៨​ ខែមករា​ ឆ្នាំ​២០២២​ នៅប្រទេស​ភូមា​ គ្រាន់​ជាវិញ្ញាសារ​ដំបូង​ប៉ុណ្ណោះ​ ខណៈ​ដែល​លោកមាន​តួនាទី​ជាប្រធាន​អាស៊ាន​ប្តូរវេន​នៅឆ្នាំ២០២២​នេះ។​ ចំពោះ​ការចាប់​ផ្តើម​បំពេញ​ការងារ​របស់​ប្រធាន​អាស៊ានថ្មី​ពេលនេះ​ បាន​លាយឡំ​ទៅដោយ​ការរិះគន់​ ការរារាំង​ និង​ការគាំទ្រ​ផងដែរ។​ ទោះ​យ៉ាងនេះក្តី​ ទាំង​អស់​គ្នាកំពុង​ទល់ភ្នែក​ចាំមើល​ថា​តើនៅ​ទីបំផុត​កម្ពុជា​នឹង​អាច​ជួយ​បំបែក​សំណុំ​រឿង​នយោបាយ​ភូមា​នេះ​ បាន​ឬយ៉ាងណា។​