តារាចម្រៀង​រ៉េប​ដ៏ល្បី​របស់កម្ពុជា​គឺ​លោក វណ្ណដា ​ត្រូវបាន​គណៈកម្មការ​កីឡាអូឡាំពិក​ប៉ារីស ​២០២៤​ នៅប្រទេស​បារាំង​ផ្តល់ឱកាស​ឲ្យឡើង​ច្រៀង​នៅ​លើឆាក ​ក្នុងពិធី​បិទ​ព្រឹត្តិការណ៍កីឡា​អូឡាំពិក​ទី​៣៣​នៅទីក្រុង​ប៉ារីស ​កាលពី​ថ្ងៃ​ទី១១​ ខែ​សីហា ​ម្សិលមិញ។​ វត្តមាន​របស់​តារាចម្រៀង​រ៉េបខ្មែរ​នៅក្នុង​កម្មវិធី​ដែលមាន​អ្នកតាមដាន​មើល​នៅប្រទេស​បារាំងជាង​១៧​លាននាក់ និងរាប់លាននាក់​ផ្សេងទៀត​តាមរយៈ​បណ្តាញសង្គម​លើពិភពលោក​គឺជាការ​រំលេច​ឲ្យឃើញ​ពី​សមត្ថភាព ​និង​សិល្បៈ ​វប្បធម៌​ខ្មែរ​លើឆាក​អន្តរជាតិ​។