Die Gautengse onderwysdepartement het oorlog teen satanisme en die okkulte in skole verklaar. Dit volg na gewelddadige voorvalle by verskeie skole in die provinsie. Kundiges en godsdiensleiers waarsku egter dat daar nie sonder meer gevolgtrekkings gemaak moet word oor sekere religieuse praktyke en geweld nie. Sefu Winters wat al meer as vyf jaar betrokke is by satanisme, sê die voorvalle waaroor die media berig, is beslis nie verwant aan dié godsdiens nie.